مانچسٹر:عمرہ کی سعادت حاصل کرنے پر چیئرمین آئی اے پی جے وسیم چودھری کے اعزاز میں تقریب کا اہتمام
مانچسٹر(نمائندہ خصوصی)برطانیہ کے معروف صحافی و چیئرمین آئی اے پی جے وسیم چودھری کو رمضان المبارک کے آخری عشرے میں عمرہ کی سعادت حاصل کرنے پر انکے اعزاز میں پاکستانی کمیونٹی سنٹر مانچسٹر میں انٹرنیشنل نعت ایسوسی ایشن مانچسٹر ویمن ونگ کی صدر رضیہ چودھری نے محفل میلاد النبی صلی اللہ علیہ وسلم کا اہتمام کیا ۔
محفل میں نارتھ ویسٹ برطانیہ سے پاکستانی کمیونٹی کی اہم شخصیات مئیرز ، کونسلر ز ، علما کرام ، ثناخوان مصطفیٰ، کمیونٹی لیڈرز اور خواتین کی بڑی تعداد نے شرکت کی، وسیم چودھری کی ہال آ مد پر بھرپور طریقے سے انکا استقبال کیا گیا ۔
پاکستان سے تشریف لائے ثناخوان مصطفیٰ راجہ شہباز کیانی، قاری سبطین علی ، محمد سرور ، کاشف علی، رضیہ چودھری ، سسٹر خالدہ، افتخار ڈار، نے ہدیہ عقیدت کے پھول نچھاور کئے اور داد وصول کی، محفل میلاد میں مئیر راچڈیل عاصم رشید، کیبنیٹ ممبر مانچسٹر سٹی کونسل ربنواز اکبر، کونسلر آحمد علی ، انٹرنیشنل نعت ایسوسی ایشن کی ویمن ونگ کی صدر رضیہ چودھری، مسلم لیگ ن کے صدر راجہ سجاد حسین ، مانچسٹر فیوچر ویزن کے چیئر مین سجاد حیدر کاظمی ، چودھری نصیر ، قاری سبطین ، اظہر اوری ، و دیگر کمیونٹی لیڈر ز نے وسیم چودھری کو عمرہ کی سعادت حاصل کرنے پر مبارکباد پیش کی اور نیک تمنا ئوں کا اظہار کیا۔
محفل میلاد میں پاکستانی بزنس کمیونٹی کے افراد میں چودھری عبدالکریم، چودھری شہزاد بشیر ، چودھری مظہر ، رانا عمران، میاں ارشد ، استاد صفدر ، چودھری نصیر ساہیوالی، شوکت قریشی ، عدیل چودھری، ظہیر چودھری، راسب خان ، سولسٹر محمد شاھد ، ذیشان مغل، راجہ سجاد حسین ، چودھری اظہر ، صابرہ ناہید،محمد اسلم ، نازکوکب، شیخ امتیاز، نغمانہ کنول شیخ ، سسٹر زیدہ سمیت دیگر افراد نے شرکت کی۔
اس موقع پر عمرہ کی سعادت حاصل کرنے پر کیک بھی کاٹا گیا ،کشمیری بھائیوں سمیت پاکستان کی سلامتی استحکام اور خوشحالی کیلئے خصوصی دعا کی گئی۔
تقریب کی تصویری جھلکیاں