اوسلو(عقیل قادر) چیئرمین سی پی ایل سی گجرات چوہدری افتخار احمد کے پوتے اور پاک ناروے فورم کے صدر چوہدری وسیم شہزاد کے ہاں چاند سے بیٹے عبدالرحمن کی پیدائش ہوئی، جس پر اوسلو اور یورپ میں مقیم پاکستانیوں کی بڑی تعداد نے ان کو مبارکباد پیش کی اور بیٹے کی صحت اور درازی عمر کے لیے دعا کی۔
خوشی کے اس موقع پر چوہدری افتخار احمد اور چوہدری وسیم شہزاد کی جانب سے عقیقہ کی خوبصورت تقریب کا انعقاد کیا گیا جس میں اوسلو کی ممتاز شخصیات نے شرکت کی۔ تقریب کا آغاز قاری رحمت الہٰی نے تلاوت قرآن پاک سے کیا جبکہ عبدالمنان نے نعت رسول ﷺ پیش کی۔
علامہ میاں طیب اور علامہ اسجد محمود نے قرآن و سنت کی روشنی میںیورپین ماحول کے تناظر میں اولاد کی تعلیم و تربیت پر زور دیا۔اس موقع پر علامہ اسجد محمود نے نومولود عبدالرحمن کی دراز عمر اور ایمان کی سلامتی کے لیے خصوصی دعا کی اور تمام حاضرین کی طرف سے چوہدری وسیم شہزاد اور انکی فیملی کو مبارکباد پیش کی۔
تقریب میں جن اہم شخصیات نے شرکت کی ان میں پوٹھوہار ویلفیئر سوسائٹی کے بانی چوہدری اسماعیل سرور، معروف سیاستدان خالد محمود، ڈاکٹر مبشر بنارس، معروف بزنس مین چوہدری قمر عباس ٹوانہ، سابق صدر تہال اوورسیز ویلفیئر سوسائٹی چوہدری صلابت علی، چوہدری جاوید سرور، چوہدری سجاد رسول، چوہدری پرویز اختر ، چوہدری خالد کسانہ، چوہدری محمد عباس، شیر سلطان جوئیہ، عبدالمنان، محسن رضا، چوہدری محمد اقبال بھاگو، چوہدری عمر شہزاد، چوہدری افتخار ناز، حاجی افضال احمد، انعام الحق سیٹھی، ملک حمزہ اعوان، پی ٹی آئی رہنما تنویر احمد، محمد غیاث کیانی، ارشد عزیز وڑائچ اور دیگر شامل ہیں۔