روچڈیل (محمد فیاض بشیر سے) روچڈیل میں خواتین کی فلاح و بہبود کے لیے قائم پاکیزہ وویمن گروپ کی روح رواں چیف ایگزیکٹو رضیہ شمیم نے کیسلمییر کمیونٹی سنٹر میں افطار پارٹی کا اہتمام کیا ۔ مئیر روچڈیل کونسلر شکیل احمد ، ڈپٹی لیڈر روچڈیل کونسل علی عدالت ،کونسلر جینٹ ایمزلی،کونسلرز پروفیسر افتخار احمد،وزیر شاہ کے علاوہ بین المذاہب کمیونٹی کی شرکت ۔
مئیر روچڈیل کونسلر شکیل احمد نے کہا کہ پاکیزہ وویمن گروپ نے افطار پارٹی میں بین المذاہب کمیونٹی کو مدعو کر کے انہیں ماہ رمضان کی اہمیت و افادیت بارے آگاہی دی ۔کونسلر جینٹ ایمزلی نے کہا کہ پاکیزہ وویمن گروپ کی خواتین کے ساتھ افطاری پر دلی خوشی ہے کیونکہ بحیثیت گروپ باہمی اتحاد و اتفاق ہونا چاہیے۔
کونسلر پروفیسر افتخار احمد نے کہا کہ بین المذاہب کمیونٹی کے ساتھ روزہ افطار کرنے سے غیر مسلم کمیونٹی کو بھی روزہ رکھنے کی افادیت بارے آگاہی ملتی ہے۔ ڈپٹی لیڈر روچڈیل کونسلر علی عدالت نے کہا کہ پاکیزہ وویمن گروپ کی چیف ایگزیکٹو رضیہ شمیم کو یہ اعزاز حاصل ہے کہ وہ سال بھر خواتین کی فلاح و بہبود کے لیے کام کرتی رہتی ہیں کمیونٹی کے لیے انتھک محنت کرنے پر انکا دلی شکریہ ۔
کونسلر وزیر شاہ نے کہا کہ یہ اچھی کاوش ہے غیر مسلم کمیونٹی کو افطار پر مدعو کر کے انہیں روزہ کی اہمیت و افادیت بارے آگاہی دی ۔پاکیزہ وویمن گروپ کی چیف ایگزیکٹو رضیہ شمیم نے کہا کہ ہم نے بین المذاہب کمیونٹی کے ساتھ افطار کرنے کا سلسلہ تین برس پہلے شروع کیا تھا ہماری کوشش ہوتی ہے روچڈیل میں بسنے والی بین الثقافتی و مذاہب کمیونٹی کے اندر باہمی اتحاد و اتفاق پیدا کریں۔
روچڈیل میں خواتین کی فلاح و بہبود کے لیے قائم پاکیزہ وویمن گروپ کی بین المذاہب کمیونٹی کے اندر باہمی اتحاد و اتفاق و یگانگت کی مضبوطی کے لیے کاوشیں لائق تحسین ہیں۔