LET’S TALK GROUP کی چیف ایگزیکٹو حمیرا حقانی کی جانب سے جارجیا سے آئے طلباء و طالبات کے اعزاز میں افطار پارٹی

روچڈیل (محمد فیاض بشیر) خواتین کی فلاح و بہبود ذہنی و جسمانی بارے روچڈیل میں قائم LET’S TALK GROUP کی چیف ایگزیکٹو حمیرا حقانی نے امریکہ کے شہر جارجیا سے آئے طلباء و طالبات کے اعزاز میں افطار پارٹی کا اہتمام کیا اور ماہ رمضان کی اہمیت فضلیت اور افادیت بارے آگاہی دی گئی ۔

حمیرا حقانی نے کہا ہم نے جارجیا سے آئی طالبات کے اعزاز میں بین المذاہب افطار پارٹی کا اہتمام کیا اور اس میں ایک دوسرے کے خیالات پر تبادلہ خیال کیا گیا ۔

انکا مزید کہنا تھا کہ ہم نے طالبات کو اسلام بارے بتایا کہ دین اسلام امن اور ایک دوسرے سے باہمی اتحاد و اتفاق و محبت کا درس دیتا ہے ،ہمارے لیے یہ شاندار موقع تھا کہ ہم ایک دوسرے سے ملیں اور بات چیت کی اس وقت عالمی سطح پر بین الثقافتی و مذاہب کمیونٹی کو ایک دوسرے کو سمجھنے کی ضرورت ہے ۔

وفد میں شامل طالبہ کرن نے کہا کہ ہم آج let’s talk groupکی دعوت پر افطار پارٹی میں شریک ہیں اور ایک دوسرے سے بات چیت کا موقع ملا ۔ میرری نے کہا کہ روچڈیل میں آکر اچھا لگا ہم نے مسلمان کمیونٹی کے ساتھ ملکر روزہ افطار کیا ۔

رائلی نے کہا کہ روچڈیل میں آکر اچھا لگا بالخصوص let’s talk, گروپ کی خواتین جو رضاکارانہ خدمات انجام دے رہی ہیں قابل متاثر ہے یہاں کے لوگ مہمان نواز ہیں ۔

سعدیہ نے کہا کہ وہ let’s talk گروپ میں رضاکارانہ خدمات انجام دے رہی ہیں، میری ساتھی امریکہ سے خصوصی طور پر یہاں آئیں ہم انکا دلی شکریہ ادا کرتے ہیں ۔

روچڈیل میں بسنے والی مسلمان کمیونٹی کا بین المذاہب و ثقافتی کمیونٹی کے اعزاز میں افطار پارٹی اور اسلامی تعلیمات بارے آگاہی دینا باہمی اتحاد و اتفاق کی جانب اہم قدم ہے۔