لندن(تارکین وطن نیوز)آج کل جہاں سوشل میڈیا، مین اسٹریم میڈیا پر وزیر اعظم عمران خان کی تازہ ترین سیاست، ملک کی موجودہ سیاسی صورتحال اور بشریٰ بی بی کی قریبی دوست فرح خان کی کرپشن سے متعلق خبریں زیر گردش ہیں وہیں وزیر اعظم عمران خان کے چاہنے والوں کی جانب سے اُن کی پہلی اہلیہ کو یاد کیا جا رہا ہے۔
عمران خان کی زندگی میں لوگ آئے گئے لیکن وفاداری کی جو مثال جمائمہ خان نے دکھائی وہ تاریخ میں شاید نا ملے۔@ImranKhanPTI@Jemima_Khan pic.twitter.com/z6FQoqczAH
— Hans Masroor Badvi (@hansbadvi) April 5, 2022
وزیر اعظم عمران خان کی پہلی اہلیہ، برطانوی اسکرین رائٹر جمائما گولڈ اسمتھ کی وفاداری کے قصے ایک بار پھر سوشل میڈیا کی زینت بن گئے ہیں۔
انٹرنیٹ صارفین کی جانب سے جمائما خان کو عمران خان کی زندگی میں آنے والی واحد وفادار عورت قرار دیا جا رہا ہے۔
?♥️♥️ جمائما کی کیا بات ۔ جمائما جیسا تو دوسرا کوئی نہ ہوا ۔ اسی لئے تو پاکستان آج بھی جمائما سے پیار کرتا ہے عزت اور محبت کمانی پڑتی ہے پھر سنبھالے رکھنی ہوتی ہے ۔ pic.twitter.com/8DWP6QqN2W
— Noor E Zahraa (@NoorEZahraa1) April 6, 2022
ٹوئٹر پر پی ٹی آئی کے ایک کارکن کی جانب سے جمائما خان کی تصویر شیئر کی گئی اور ساتھ ہی اس کے وزیر اعظم عمران خان اور جمائما گولڈ اسمتھ کو ٹیگ بھی کیا گیا ہے۔اس ٹوئٹ کے کیپشن میں پی ٹی آئی کے متحرک کارکن کا لکھنا ہے کہ ’عمران خان کی زندگی میں لوگ آئے گئے لیکن وفاداری کی جو مثال جمائمہ خان نے دکھائی وہ تاریخ میں شاید نہ ملے۔‘
ہزاروں ٹوئٹر صارفین کی جانب سے پسند کیے جانے والے اس ٹوئٹ کے کمنٹ باکس میں صارفین اس ٹوئٹ کی تائید اور اس سے متعلق تبصرے کر رہے ہیں۔ٹوئٹر صارفین کی جانب سے جہاں جمائما خان کی تعریفیں کی جا رہی ہیں وہیں اُن کی عمران خان کے ساتھ پرانی تصویریں شیئر کرتے ہوئے اُنہیں دعائیں بھی دی جا رہی ہیں۔