وزیر اعظم عمران خان کی پہلی اہلیہ جمائما کی وفاداری کے قصے سوشل میڈیا کی زینت بن گئے

ٹوئٹر پر پی ٹی آئی کے ایک کارکن کی جانب سے جمائما خان کی تصویر شیئر کی گئی اور ساتھ ہی اس کے وزیر اعظم عمران خان اور جمائما گولڈ اسمتھ کو ٹیگ بھی کیا گیا ہے۔اس ٹوئٹ کے کیپشن میں پی ٹی آئی کے متحرک کارکن کا لکھنا ہے کہ ’عمران خان کی زندگی میں لوگ آئے گئے لیکن وفاداری کی جو مثال جمائمہ خان نے دکھائی وہ تاریخ میں شاید نہ ملے۔‘

ہزاروں ٹوئٹر صارفین کی جانب سے پسند کیے جانے والے اس ٹوئٹ کے کمنٹ باکس میں صارفین اس ٹوئٹ کی تائید اور اس سے متعلق تبصرے کر رہے ہیں۔ٹوئٹر صارفین کی جانب سے جہاں جمائما خان کی تعریفیں کی جا رہی ہیں وہیں اُن کی عمران خان کے ساتھ پرانی تصویریں شیئر کرتے ہوئے اُنہیں دعائیں بھی دی جا رہی ہیں۔