چینی صدر کی صدارت میں کمیونسٹ پارٹی آف چائنا کی مرکزی کمیٹی کے سیاسی بیورو کے اجلاس کا انعقاد
سی پی سی کی قیادت چینی طرز کی جدیدکاری کو فروغ دینے کی بنیادی ضمانت ہے، اجلاس میں اعلان
بیجنگ (ویب ڈیسک) کمیونسٹ پارٹی آف چائنا کی مرکزی کمیٹی کے سیاسی بیورو نے جمعرات کے روز ایک اجلاس منعقد کیا جس میں ہمہ جہت طریقے سے اصلاحات کو مزید گہرا کرنے اور چینی طرز کی جدیدکاری کو فروغ دینے کے حوالے سے مطالعہ کیا گیا۔
کمیونسٹ پارٹی آف چائنا کی مرکزی کمیٹی کے جنرل سیکریٹری شی جن پھنگ نے اجلاس کی صدارت کی۔ سی پی سی سینٹرل کمیٹی کے سیاسی بیورو نے "سی پی سی سینٹرل کمیٹی کی جانب سے اصلاحات کو مزید جامع طور پر گہرا کرنے اور چینی طرز کی جدیدکاری کو فروغ دینے کے فیصلے” کے مسودے پر پارٹی کے اندر اور باہر آراء کے حصول کی رپورٹ سنی اور مسودہ دستاویز کو غور و خوض کے لئے 20 ویں سی پی سی سینٹرل کمیٹی کےتیسرے کل رکنی اجلاس میں پیش کرنے کا فیصلہ کیا گیا۔
اجلاس میں نشاندہی کی گئی کہ اصلاحات کو مزید جامع طور پر گہرا کرنے کا مجموعی ہدف چینی خصوصیات کے حامل سوشلسٹ نظام کی بہتر ی و ترقی کو جاری رکھنا اور قومی حکمرانی کے نظام اور صلاحیت کی جدت کو آگے بڑھانا ہے۔ 2035 تک چین میں اعلیٰ معیار کی سوشلسٹ مارکیٹ اکانومی کے نظام کی تعمیر مکمل کی جائےگی، چینی خصوصیات کے حامل سوشلسٹ نظام کو مزید بہتر بنایا جائےگا، قومی حکمرانی کے نظام اور حکمرانی کی صلاحیت کو بنیادی طور پر جدید بنایا جائےگا اور سوشلسٹ جدیدیت کی تکمیل کی جائےگی تاکہ اس صدی کے وسط تک چین کو ہمہ گیر طور پر ایک عظیم جدید سوشلسٹ ملک بنانے کے لیے ٹھوس بنیاد رکھی جا سکے۔ اجلاس میں اس بات پر زور دیا گیا کہ سی پی سی کی قیادت ہمہ جہت اصلاحات کو مزید گہرا کرنے اور چینی طرز کی جدیدکاری کو فروغ دینے کی بنیادی ضمانت ہے۔
اجلاس میں اس بات کی نشاندہی کی گئی کہ ہمہ جہت اصلاحات کو مزید گہرا کرنے کے لیے مندرجہ ذیل اصولوں پر عمل درآمد ضروری ہے: سی پی سی کی مجموعی قیادت کو برقرار رکھنا، عوام کو مرکزی حیثیت دینا، دیانت داری اور جدت طرازی کو برقرار رکھنا، نظام کی تعمیر پر قائم رہنا، قانون کے مطابق ملک پر جامع حکمرانی جاری رکھنا، نظام کے تصور پر قائم رہتے ہوئے معیشت اور معاشرے، حکومت اور مارکیٹ، کارکردگی اور شفافیت، قوت حیات اور نظم و نسق، ترقی اور سلامتی وغیرہ کے درمیان اہم تعلقات کو مناسب طریقے سے سنبھالنا وغیرہ۔