پیرس (رپورٹ:سلطان محمود) پی آئی اے کی پیرس جانے والی پہلی پرواز پی کے 749 چار سال سے زائد عرصے کے وقفے کے بعد سی ڈی جی ایئرپورٹ پیرس پر بحفاظت اتر گئی۔
ہوائی اڈے پر مسافروں، پی آئی اے اور ایوی ایشن کے حکام اور عملے کے ارکان نے پاکستانی تارکین وطن کے ہمراہ چارج ڈی افیئرز محترمہ حذیفہ خانم کا پرتپاک استقبال کیا۔
چارج ڈی افیئرز نے سب کو خوش آمدید کہتے ہوئے کہا کہ یہ حکومت کی طرف سے سمندر پار پاکستانیوں کے لیے بہترین تحفہ ہے۔
پروازوں کی بحالی سے پاکستان، فرانس اور یورپی یونین کے درمیان تجارت، سیاحت، کاروبار کے فروغ اور عوام سے عوام کے تبادلے کے ذریعے تعلقات مزید مستحکم ہوں گے۔
اس موقع پر خطاب کرتے ہوئے پی آئی اے کے سی ای او اے وی ایم عامر حیات نے کہا کہ پی آئی اے ہفتے میں دو بار پیرس سے اسلام آباد کے لیے پروازیں چلائے گی ، ہر جمعہ اور اتوار کو پاکستان اور فرانس کے درمیان براہ راست فضائی رابطہ فراہم کرے گا۔
انہوں نے روشنی ڈالی کہ پاکستان اور فرانس کے درمیان پہلی براہ راست پرواز 1966 میں شروع ہوئی۔ایئر فرانس کے نمائندے نے کہا کہ یہ دونوں ممالک کے عوام کے لیے خوشی کا دن ہے اور دوطرفہ تعلقات مزید فروغ پائیں گے۔
اسلام آباد سے براہ راست پرواز کے ذریعے پیرس پہنچنے والے مسافر کم سفری وقت اور معیاری سروس کی وجہ سے بہت خوش تھے۔ اس موقع پر سی ڈی جی میں کیک کاٹنے کی تقریب کا اہتمام کیا گیا۔اس موقع پر سفارتخانے کے افسران اور عملہ بھی موجود تھا۔