منہاج القرآن انٹرنیشنل آسٹریا ویانا میں چوہدری محمد آصف (مرحوم) کے ایصال ثواب کے سلسلے میں قرآن خوانی و ذکر نعت کی محفل اور اجتماعی افطار کا انعقاد
آسٹریا ،ویانا (رپورٹ:محمد عامر صدیق) منہاج القرآن انٹرنیشنل آسٹریا ویانا میں چوہدری محمد آصف (مرحوم) کے ایصال ثواب کے سلسلے میں قرآن خوانی و ذکر نعت کی محفل اور اجتماعی افطار کا انعقاد بروز ہفتہ15 مارچ کو کیا گیا۔
اس موقع پر پاکستانی کمیونٹی کے ہر مکتبہ فکر کے لوگوں نے شرکت کی،قرآن خوانی کے بعد ذکر نعت محفل کا آغاز منہاج القرآن سنٹر کے صدر او خطیب حفیظ اللہ قادری کی تلاوت قرآن پاک سے کیا گیا۔
نعت شریف کی صورت میں گلہائے عقیدت کے پھول پیش کرنے کی سعادت مختلف نعت خوانان کو حاصل ہوئی۔
افطاری سے قبل نور اسلامک سنٹر ویانا کے خطیب علامہ حافظ عبد الحفیظ الازہری نے مرحوم کی مغفرت اور بلند درجات کیلئے اجتماعی فاتحہ خوانی کرائی، انہوں نے دعائیہ کلمات میں امت مسلمہ فلسطین اور استحکام پاکستان او حاضرین شرکاء کے لواحقین کیلئے خصوصی دعائیں کیں۔
محفل کے آخر میں صدر منہاج القرآن آسٹریا حفیظ اللہ قادری اور سابق صدر شیخ محبوب عالم وارثی کی جانب سے پاکستانی کمیونٹی کا تقریب میں شرکت کرنے پر شکریہ ادا کیا گیا۔