دبئی(شوبز نیوز)سابق صدر پرویز مشرف کی بھارتی اداکار سنجے دت کے ساتھ گفتگو کرتے تصویر سوشل میڈیا پر گردش کررہی ہے۔یہ تصویر مختلف شخصیات کی طرف سے بھی شیئر کی جا رہی ہے۔
دیکھتے ہی دیکھتے سوشل میڈیا پر یہ تصویر مختلف تبصروں کے ساتھ گردش کرنے لگی۔
تصویر کے حوالے سے یہ کہنا تو قبل از وقت ہوگا کہ یہ تصویر کس موقع اور وقت کی ہے لیکن سوشل میڈیا پر ہی یہ دعویٰ کیا جارہا ہے کہ سابق صدر پرویز مشرف کی یہ تصویر دبئی کے ایک جِم کی ہے۔
تصویر میں وہیل چیئر پر بیٹھے پرویز مشرف کو سنجے دت سے محوِ گفتگو دیکھا جاسکتا ہے جبکہ سنجے دت کے پیچھے کچھ اور لوگوں کو بھی اُن کی باتیں سنتے دیکھا جاسکتا ہے۔
اس تصویر کو کسی بھی آفیشنل اکاؤنٹ سے شیئر نہیں کیا گیا۔ پرویز مشرف اور نہ ہی سنجے دت نے اس تصویر پر اب تک کوئی تبصرہ کیا ہے۔