اسلام آباد(شوبز نیوز)وزیراعظم عمران خان کے حق میں بیانات دینے پر ان کی سابقہ اہلیہ ریحام خان نے شوبز ستاروں کو تنقید کا نشانہ بنایا ہے۔
اس حوالے سے انہوں نے سوشل میڈیا پر ایک پیغام جاری کیا ہے جس میں انہوں نے ان ستاروں کو وزیراعظم کی آواز قرار دیا۔
It is sad to see actors that we respected for their on screen talent shamelessly become mouthpieces of a fascist regime that’s on it’s way out.
— Reham Khan (@RehamKhan1) March 27, 2022
Artists should not be used for attacking politicians the government is threatened by. Stick to the day job guys!!
انہوں نے تحریر کیا کہ یہ دیکھ کر بہت دکھ ہوا کہ وہ اداکار جن کی ہم ان آن اسکرین ٹیلنٹ کی وجہ سے عزت کرتے ہیں وہ بےشرمی کے ساتھ اس فاشت اقتدار کی آواز بنے ہوئے ہیں جو بس اپنے جانے کے راستے پر ہے۔
ریحام خان نے یہ بھی لکھا کہ فنکاروں کو اُن سیاستدانوں پر حملہ کرنے کے لیے استعمال نہیں کیا جانا چاہیے جن سے حکومت کو خطرہ ہے۔
وزیراعظم کی سابقہ اہلیہ نے ان ستاروں کو یہ بھی تجویز دی کہ وہ اپنا پیشہ ورانہ کام ہی کرتے رہیں، اس سے ہٹ کر کوئی کام نہ کریں۔
خیال رہے کہ شوبز ستاروں کی جانب سے وزیراعظم عمران خان کے حق میں بیانات آنے کا سلسلہ جاری ہے۔
اداکارہ ثمینہ پیرزادہ نے بھی عمران خان کی حمایت میں گزشتہ روز ٹوئٹ کرتے ہوئے کہا ’’اپنے کپتان کو اللہ کی امان میں دیا‘‘۔ بعد ازاں انہوں نے آج صبح ایک اور ٹوئٹ میں کہا ’’بول کے لب آزاد ہیں تیرے۔ ہم ہی بدلیں گے پاکستان۔ تبدیلی ایک فردسے شروع ہوتی ہے۔ آئیے پاکستان کو ہر شہری کے لیے ایک محفوظ ملک بنائیں۔ آئیے ایک ذمہ دار شہری بنیں۔ آئیے پاکستان کو صاف ستھرا رکھیں۔‘‘
Apnay Kaptaan ko Allah ki amaan mai diya.
— Samina Peerzada (@SaminaSays) March 26, 2022
Bol Kay lub azaad hain teray. Hum hi badlain gay Pakistan. Change starts with one single person. Let’s make Pakistan a safe place for every citizen. Let’s be responsible citizens. Let’s keep Pakistan clean.
— Samina Peerzada (@SaminaSays) March 27, 2022
شان شاہد نے وزیراعظم کے ساتھ اظہارِ یکجہتی کرتے ہوئے کہا کہ ’ہمارے لیڈر کو کوئی نہیں چھین سکتا۔‘
#IstandwithImranKhan Pakistan has spoken they want only one leader to lead them to a brighter future of Pakistan. They have shown solidarity with @ImranKhanPTI you can keep your parliament but you can never take away our leader♥️???? pic.twitter.com/sRzGeFW8j0
— Shaan Shahid (@mshaanshahid) March 26, 2022
ہمایوں سعید نے بھی اپوزیشن کے خلاف وزیراعظم عمران خان کی حمایت کرتے ہوئے کہا کہ ’خواہش ہے کہ عمران خان اپنی مدت پوری کریں۔‘
Have been a fan of @ImranKhanPTI since he was a sportsman and still an admirer of his leadership. I wish and pray that he completes his tenure. May Allah bless him #AmarBilMaroof @FaisalJavedKhan @fawadchaudhry pic.twitter.com/NIhqqDtg0k
— Humayun Saeed (@iamhumayunsaeed) March 26, 2022
ان کے علاوہ اداکار احمد علی بٹ نے عمران خان کو صادق اور امین قرار دیا جبکہ صبا قمر کا کہنا تھا کہ یہ ایک شخص کی بات نہیں، یہ پاکستان کی بات ہے۔
اداکار بلال قریشی نے وزیراعظم عمران خان کے ساتھ یکجہتی کا اظہار کیا اور کہا کہ ’عمران خان، سب سے پہلے تو آپ نے گھبرانا نہیں ہے‘۔