مالمو میں مقیم معروف کاروباری شخصیات گل برا داران کی جانب سے افطار ڈنر،سفیر پاکستان ڈاکٹر ظہور احمد کی خصوصی شرکت

سٹاک ہوم(نمائندہ خصوصی)مالمو میں مقیم معروف کاروباری اور سماجی شخصیات جمشید گل اور ناصر گل کی جانب سے سٹاک ہوم میں دوست ا حباب کے اعزاز میں افطار ڈنر کا اہتمام کیا گیا۔

اس افطار ڈنر میں خصوصی طور پر سفیر پاکستان ڈاکٹر ظہور احمد نے شرکت کی جبکہ اس افطار ڈنر میں سویڈن کی ممتاز سماجی شخصیت سینئر صحافی کاشف عزیز بھٹہ،مالمو سے تشریف لائے ہوئے سینئر صحافی اور سیاستدان ستمبر میں سویڈش انتخابات میں ایم پی کے امیدوار زبیر حسین،پاکستانی نژاد سویڈش نوجوان سیاستدان کونسلر عمیر ضیا بھٹی،کاروباری شخصیت میاں زین،کاروباری شخصیت جنید نواز چوہدری،کاروباری شخصیت اور سینئر رہنما پی ٹی آئی بابر علی اور معروف سماجی شخصیت اکاؤنٹنٹ ملک شہریار علی بھی مدعو تھے۔

اس موقع پر سویڈن کے حا لات اور پاکستانی کمیونٹی کے کر دار پر تفصیلی گفتگو کی گئی آخر میں تمام احباب نے گل برادران کا افطار ڈنر پر شکریہ ادا کیا۔