میرپور میں علی رضا بیگ (مرحوم) میموریل ٹورنامنٹ کا انعقاد،ن لیگ کے رہنما یاسرشیرباز کی بطور مہمان خصوصی شرکت

ابو ظہبی/میرپور(تارکین وطن نیوز)میرپور آزاد کشمیر میں پہلے علی رضا بیگ (مرحوم) میموریل ٹورنامنٹ کا انعقاد کیا گیا۔

ٹورنامنٹ کی افتتاحی تقریب میں پاکستان مسلم لیگ ن کے رہنما مرزا یاسرشیرباز نے بطور مہمان خصوصی شرکت کی اور کھلاڑیوں میں انعامات تقسیم کئے۔

اس موقع پر مرزا یاسر شیر باز نے کہا کہ جہاں کھیل کے میدان آباد ہوتے ہیں وہاں پر ہسپتال ویران ہوتے ہیں کھیل صحت مند زندگی کے حصول کیلئے نہایت ضروری ہے ’کھیل‘ یعنی کوئی بھی ایسا کام جو ہماری ذہنی اور جسمانی نشونما میں اہم کردار ادا کرے کھیل صرف تفریح کا ذریعہ ہی نہیں بلکہ جسم کو چاق و چوبند اور صحت مند بنانے کا بھی ذریعہ ہے۔

انہوں نے کہا کہ کھیلنے سے دماغ تر وتازہ ہوتا ہے اور ایسی قائدانہ صلاحیتوں کو اُبھارتا ہے جو کوئی اور چیز نہیں اُبھار سکتی اگر کھیل نہ ہو تو ہمارا جسم بالکل لاغر و کمزور ہو جاتا ہے۔ بہت سی بیماریاں اس کو گھیر لیتی ہیں اور وہ جلد بڑھاپے کی طرف بڑھنا شروع کر دیتاہے۔ اور اس کی خود اعتمادی لڑکھڑانے لگتی ہے۔

انہوں نے ٹورنامنٹ کے شاندار انعقاد پرکمیٹی کی حوصلہ افزائی کی اور تہہ دل سے شکریہ ادا کیا۔