مانچسٹر (محمد فیاض بشیر) گریٹر مانچسٹر امیچر کرکٹ لیگ کے سابق چیئرمین ،لنکا شائر کرکٹ کلب کے لیے گریٹر مانچسٹر و گردونواح میں سکول کے بچوں کو کرکٹ کا ہنر سکھانے کے لیے پیشہ وارانہ خدمات انجام دینے والے عدنان غضنفر کے والد غضنفر عارضہ قلب کی وجہ سے عارضی دنیا چھوڑ کر خالق حقیقی سے جا ملے ۔
نماز جنازہ پاکستان راولپنڈی میں ادا کر کے مقامی قبرستان میں سپرد خاک کر دیا گیا۔ گریٹر مانچسٹر امیچر کرکٹ لیگ کی انتظامیہ اور بالخصوص کشمیر کرکٹ کلب جسکے وہ کپتان ہیں نے عدنان غضنفر سے والد کی وفات پر دلی دکھ کا اظہار کیا ۔
برطانیہ کی ممتاز سماجی ،کاروباری اور صحافتی شخصیت عارف چوہدری نے بھی ذاتی طور پر ان سے دلی تعزیت کا اظہار کیا ۔
قریبی رفقا دوست احباب نے اللہ تعالیٰ سے دعا کی کہ مرحوم کو جنت الفردوس میں اعلیٰ مقام عطا فرمانے کے ساتھ شفاعت و دیدار حبیب کریم حضرت محمد صلی اللہ علیہ وآلہ وسلم نصیب کرے، آمین۔ ثم آمین