یونان میں تعینات سفیر پاکستان محمد ندیم خان کا کوس ریسیپش سینٹر کا دورہ ،پاکستانیوں کے مسائل سنے
ایتھنس(تارکین وطن نیوز) یونان میں تعینات سفیر پاکستان محمد ندیم خان نے کمیونٹی ویلفیئر اتاشی جناب حیدر سلطان کے ہمراہ کوس ریسیپش سینٹر کا دورہ کیا ۔
اپنے دورے کے دوران انہوں نے و ہا ں موجود پاکستانی شہریوں سے ملاقات کی اور انکے مسائل سنے۔
سفیر پاکستان نے سینٹر کے چیف جناب ایوانیس فراگولیس سے بھی تفصیلی ملاقات کی اور پاکستانی شہریوں کی مناسب دیکھ بھال اور بہبود کے بارے میں تفصیلی گفتگو کی۔
ملاقات میں پولیس چیف تھیودوراکوپولوس کوستاس ، دپٹی مینیجر علینی اور حراستی کیمپ کے پولیس آفیسر پولی غینیس واسیلیس بھی موجود تھے۔ پاکستانی شہریوں نے سفیر پاکستان کا شکریہ ادا کیا۔