یوم استحصالِ کشمیر کے موقع پر برطانیہ میں مقیم کشمیری و پاکستانی کمیونٹی کا احتجاجی مظاہرہ،شدید نعرے بازی
لندن(نمائندہ خصوصی) چیئرمین گلوبل پاک کشمیر سپریم کونسل راجہ سکندر خان ، صدر تحریک کشمیر یو کے فہیم کیانی اور مفتی فضل احمد قادری سرپرست اعلیٰ کل جماعتی کشمیر رابطہ کمیٹی کے زیر سر پرستی برطانوی کشمیریوں اور پاکستانیوں کے تعاون سے 5اگست 2024 کو یوم استحصال کشمیر کے حوالے سے مارچ اور احتجاج کا انعقاد کیا گیا۔
برطانوی وزیر اعظم کی رہائش گاہ 10 ڈاؤننگ سٹریٹ، ویسٹ منسٹر لندن کے باہر سینکڑوں مظاہرین جمع ہوئے اور انڈین ہائی کمیشن لندن کی طرف مارچ کرنے والوں مظاہرین نے نعرے لگائے، "انڈین آرمی کشمیر سے باہر”،”کشمیری آزادی چاہتے ہیں””آرٹیکل 370 اور 35A کو اس کی اصل پوزیشن پر لوٹائیں” وغیرہ وغیرہ اور بہت سے ضمیر بولنے والوں نے خطابات کئے۔
چیئرمین گلوبل پاک کشمیر سپریم کونسل راجہ سکندر خان نے کہا کہ 5 اگست 2019 کو حکومت بھارت نے ہندوستانی آئین کے آرٹیکل 370 اور 35A کے تحت جموں و کشمیر کو فراہم کردہ خصوصی حیثیت اور خود مختاری کو منسوخ کر دیا۔ اس دن کو کشمیر کا یوم سیاہ کے طور پر منایا جاتا ہے۔خصوصی حیثیت کی منسوخی کشمیر پر اقوام متحدہ کی قرارداد کی براہ راست خلاف ورزی ہے جو کشمیر کے حق خودارادیت کی توثیق کرتی ہے۔
احتجاجی مظاہرے کے اختتام پر بھارتی ہائی کمیشن کے باہر صدر تحریک کشمیر یو کے فہیم کیانی نے کئی کمیونٹی کشمیری رہنماؤں کے ساتھ ساتھ چیئرمین گلوبل پاک سپریم کونسل راجہ سکندر خان کے دستخطوں سے پٹیشن حاصل کی اور ان کے دستخط کے بعد پٹیشن کو بھارتی ہائی کمیشن تک پہنچایا۔برطانیہ بھر سے آئے برٹش کشمیریوں کے اندر حب الوطنی اور جوش و جذبہ بہت زیادہ تھا جو ڈربی، برمنگھم، پیٹربورو، لوٹن، واٹفورڈ، سلو، ریڈنگ، ساؤتھ ہال، ہنسلو، ایسٹ لندن، کیمبرج اور دیگر کئی شہروں سے تشریف لائے تھے۔
کشمیر سے آئے رہنمائوں جن میں حریت رہنما سید یوسف نسیم ایڈووکیٹ، آزاد جموں و کشمیر کی سابق ایم ایل اے میڈم مہر النساء، میرپور آزاد جموں و کشمیر کے سابق میئر چوہدری محمد اشرف،صدر گلوبل پاک کشمیر سپریم کونسل اے جے کے چیپٹر سید شبیر احمد نے شرکت کی اور تقاریر کیں، برطانوی کشمیری اور پاکستانی مظاہرین میں سابق وزیر آزاد جموں و کشمیر محمود ریاض، صدر آزاد جموں و کشمیر کے مشیر چوہدری دل پزیر، سابق میئر لوٹن ریاض بٹ، سابق میئر سلو امجد عباسی، بیرسٹر محمود خان، صدر تحریک کشمیر یورپ محمد غالب، چیئرمین پاکستان پیٹریاٹک فرنٹ چوہدری طارق محمود، راجہ نوید خان، مسز شمیم شال، ریحانہ علی، شگفتہ حامد، رخسانہ بیگم، شکیلہ بی بی، مس نائلہ، محمد ریاض، اکرام الحق، محمد جمیل، شاہد اقبال، حاجی محمد حنیف، کونسلر ظہور احمد، افتخار جگنو، راجہ محمد فراس خان، راجہ ایم ساجد، خواجہ محمد سلیمان، ایم نعیم، راجہ حامد حسین، خواجہ انیق، اسٹیورٹ رچرڈسن ممبر اسٹاپ دی وار کولیشن ویسٹ مڈلینڈز اور بہت سے دوسرے سینکڑوں لوگوں کے ساتھ ساتھ برطانیہ بھر سے زندگی کے تمام شعبوں سے تعلق رکھنے والے افراد نے شرکت کی۔
احتجاج کے اختتام پر چیئرمین گلوبل پاک کشمیر سپریم کونسل راجہ سکندر خان اور صدر تحریک کشمیر یوکے فہیم کیانی نے پرامن احتجاج پر پرنٹ اور الیکٹرانک میڈیا اور شرکاء کا شکریہ ادا کیا اور ہر ایک کی حوصلہ افزائی کی۔
انہوں نے ہر ایک کو مسئلہ کشمیر کے بارے میں بیداری پیدا کرنے کی ترغیب دی اور کہا کہ سب مل کر مقبوضہ کشمیر میں ہونے والی غیر قانونی سرگرمیوں کے بارے میں آگاہی پیدا کریں۔