برلن (رپورٹ :مطیع اللہ) جرمن فضائیہ6 اگست سے14 اگست تک بھارت میں فضائی مشقیں کرینگے، ان فضائی مشقوں سے جرمنی کے دفاعی تعلقات کو نئی تقویت ملے گی ،ہندوستانی فضائیہ اپنی پہلی بین الاقومی فضائی جنگی مشقوں کا انعقاد کر رہی ہے۔ ان جنگی مشقوں میں پہلی بار جرمنی کی Luftwaffe بھی ہندوستان میں فوجی مشقوں میں حصہ لے گی۔
تفصیلات کے مطابق جرمنی ہندوستانی مشق کے لیے ایئربس A400M ٹرانسپورٹ طیارے کے ساتھ ساتھ یورو فائٹر ٹائفون کو بھی فضائی دستوں میں شامل کرلیا۔کیونکہ نئی دہلی اس وقت ایک درمیانے ٹرانسپورٹ طیارے کے لیے بین الاقوامی منڈیوں کی تلاش میں ہے۔ہندوستانی فضائیہ اپنی پہلی کثیر القومی فضائی جنگی مشق کا انعقاد کر رہی ہے۔ پہلی بار جرمنی کی Luftwaffe بھی ہندوستان میں فوجی مشقوں میں حصہ لے گی۔
جنوبی قصبے سلور میں ہندوستانی فضائیہ (IAF) کے اڈے پر الٹی گنتی شروع ہو گئی ہے،دنیا کے مختلف حصوں سے درجنوں جنگی طیارے یہاں سے اترنے کی توقع ہے کیونکہ ہندوستان منگل سے شروع ہونے والی اپنی پہلی کثیر القومی فضائی مشق کی میزبانی کرنے کی تیاری کر رہا ہے۔
ترنگ شکتی کے نام سے ہونے والی مشقوں میں جرمنی سمیت 10 ممالک اپنے فضائی اثاثوں کے ساتھ شرکت کریں گے۔ مجموعی طور پر 18 دیگر ممالک بطور مبصر حصہ لیں گے۔آئی اے ایف نے ان بین الاقوامی مشقوں میں شرکت کے لیے 51 دوست ممالک کو دعوت دی تھی جو دو مرحلوں میں ہوں گی۔
مشقوں کا پہلا مرحلہ 6 سے 14 اگست تک منعقد کیا جائے گا، جس میں بھارت کے ساتھ جرمنی، فرانس، اسپین اور برطانیہ جنگی کھیل کھیل رہے ہیں۔دوسرا مرحلہ شمالی راجستھان ریاست کے جودھ پور میں مہینے کے آخر میں ہونا ہے اور اس میں آسٹریلیا، بنگلہ دیش، سنگاپور، یونان، متحدہ عرب امارات اور امریکہ کی شرکت ہوگی۔
آئی اے ایف کے نائب سربراہ ایئر مارشل اے پی سنگھ نے گزشتہ ہفتے نئی دہلی میں نامہ نگاروں کو بتایا، "اس مشق کا مقصد بین الاقوامی برادری سے ہمارے دوستوں کے ساتھ اسٹریٹجک تعلقات کو مضبوط بنانا ہے۔ یہ پہلا موقع ہے کہ جرمن فضائیہ بھارت میں ہونے والے مشقوں میں حصہ لے رہی ہیں۔