چین کی سائنسی اور تکنیکی جدت طرازی اور ترقیاتی کامیابیوں پر تبادلہ خیال
بیجنگ (ویب ڈیسک) چائنا میڈیا گروپ کے زیر اہتمام ” چائنا ان اسپرنگ ٹائم : شیئرنگ آپر چینو نیٹیز ود دی ورلڈ ” گلوبل ڈائیلاگ کا انعقاد شکاگو میں کیا گیا۔منگل کے روز سی پی سی سینٹرل کمیٹی کے محکمہ تشہیر کے ڈپٹی ڈائریکٹر اور چائنا میڈیا گروپ کے ڈائریکٹر شین ہائی شیونگ نے ایک ویڈیو تقریر کی۔
انہوں نے کہا کہ چائنا میڈیا گروپ عالمی معیار کے مربوط مواصلات اور سائنسی اور تکنیکی جدت طرازی کی برتری کو بروئے کار لاتے ہوئے دنیا بھر کے دوستوں کے ساتھ چینی طرز کی جدیدکاری کے ترقیاتی مواقعوں کا اشتراک کرنے کے لئے تیار ہے۔ان کا کہنا تھا کہ ہم خبروں کی رپورٹنگ، معلومات اور وسائل کے تبادلے کے لئے ایک میڈیا پلیٹ فارم قائم کریں گے ، چین کے تجربے اور دانشمندی کو دنیا کے ساتھ بانٹیں گے تاکہ چینی جدیدکاری کی کامیابیاں دنیا کو بہتر طور پر فائدہ پہنچا سکیں۔
تقریب میں شریک متعدد مہمانوں نے چین کی سائنسی اور تکنیکی جدت طرازی اور ترقیاتی کامیابیوں پر تبادلہ خیال کیا۔اطلاعات کے مطابق ” چائنا ان اسپرنگ ٹائم : شیئرنگ آپر چینو نیٹیز ود دی ورلڈ ” گلوبل ڈائیلاگ کی سرگرمیوں کا سلسلہ یورپ، افریقہ، مشرق وسطیٰ، لاطینی امریکہ، ایشیا اور دیگر خطوں کے کئی ممالک میں بھی منعقد کیا جائے گا۔