محمد اظفر احسن سےالحاج مہر محمد یوسف چاند کی ملاقات،یورپی ممالک سے پاکستان میں سرمایہ کاری لانے پر گفتگو
اسلام آباد(تارکین وطن نیوز) پرائم منسٹر سیکرٹریٹ میں چیئرمین سرمایہ کاری بورڈ محمد اظفر احسن اور سابق مشیر وزیر اعظم پاکستان اور جرمنی میں سابق اعزازی سرمایہ کاری الحاج مہر محمد یوسف چاند کے درمیان ون ٹو ون ملاقات ہوئی۔
ملاقات میں جرمنی اور دیگر یورپی ممالک سے پاکستان میں سرمایہ کار ی لانے پر تبادلہ خیا ل کیا گیا۔
یوسف چاند انٹرنیشنل بزنس گروپ گرین کیپیٹل مینجمنٹ گروپ کے خصوصی نمائندہ یورپ اور ایشیا کی نمائندگی کرتے ہیں یہ گروپ پاکستان میں مختلف شعبہ جات میں سرمایہ کاری میں دلچسپی رکھتا ہے۔
یوسف چاند ان دنوں پاکستان کے خصوصی دورے پر ہیں۔