پی ایم ایل ن یوتھ ونگ یارکشائر برطانیہ کے صدر اسد بٹ کا دورہ پاکستان،گورنر پنجاب سمیت لیگی رہنمائوں سے ملاقاتیں

یارکشائر(وسیم چودھری)پاکستان مسلم لیگ ن یوتھ ونگ یارکشائر برطانیہ کے صدر اسد بٹ کی دورہ پاکستان میں مسلم لیگ ن کی اہم شخصیات سے ملاقاتیں، اسد بٹ نے دورہ پاکستان میں گورنر پنجاب بلیغ الرحمان، وزیر داخلہ عطا تارڑ ، خواجہ ندیم وائیں ، یوسی ناظم سجاد ربانی سمیت اہم رہنما ئوں سے ملاقاتیں کیں۔

انہوں نےلیگی رہنمائوں کو اوورسیز پاکستانی کمیونٹی کے مسائل سے آگاہ کیا اور ووٹنگ کا حق دینے سمیت اسمبلیوں میں نمائندگی پر بات چیت کی۔

اسد بٹ نے چیئر مین یو سی 221 سجاد ربانی سے جو ہر ٹاؤن لا ہور میں ملاقات کے دوران ملکی اور سیاسی حالات پر گفتگو کی اور کہا کہ انہیں ضمنی الیکشن میں مسلم لیگ ن کی جیت پر پورا بھروسا ہے۔

انہوں نے ایم پی اے میاں مرغوب اور ایم پی اے سمیع الحق کے ساتھ ضمنی الیکشن کی تیاریوں کا جائزہ لیا۔ملک احمد حسن، حمید سروحی،احمد جوھری، طاھر بٹ ، رائے شوکت، میاں خرم اور ساتھیوں کی بہت بڑی تعداد وہاں موجود تھی۔

انہوں نے آل کشمیریاں بٹ برادری فا ئو نڈیشن لاہور خواجہ ندیم سعید وائیں سے بھی ملاقات کی ،اس موقع پر شفقت علی بٹ، طالش بٹ،خرم بٹ، طاہر بٹ اور قدیر جنید بٹ بھی موجود تھے۔