لندن(تارکین وطن نیوز)نیوزی لینڈ کی جانب سے میچ سے چند منٹوں قبل دورہ پاکستان ختم کرنے کے بعد اب انگلینڈ نے بھی دورہ پاکستان منسوخ کرتے ہوئے اس سے دستبرداری کا اعلان کردیا۔
سماجی رابطے کی ویب سائٹ پر ای سی بی کی جانب سے جاری بیان میں کہا گیا کہ انہوں نے اپنی دونوں مینز اور ویمنز ٹیموں کی اکتوبر میں دورہ پاکستان سے دستبرداری کا فیصلہ کیا ہے۔
"We can confirm that the Board has reluctantly decided to withdraw both teams from the October trip."
— England Cricket (@englandcricket) September 20, 2021
?? #PAKvENG ???????
خیال رہے کہ نیوزی لینڈ نے سیکیورٹی وجوہات کو جواز بنا کر یکطرفہ فیصلہ کرتے ہوئے دورہ پاکستان میچ سے چند منٹ قبل ختم کردیا تھا۔
بعدازاں نیوزی لینڈ کے میڈیا نے رپورٹ کیا تھا کہ انہیں پانچ ملکی سیکیورٹی ایجنسی اتحاد "فائیو آئیز” نے تھریٹ دیا تھا کہ ٹیم پر حملہ ہوسکتا ہے۔ یہ بھی بتایا گیا کہ اس اتحاد میں امریکا، انگلینڈ، آسٹریلیا، کینیڈا اور برطانیہ شامل ہیں۔
اس تمام تر صورتحال کے پیشِ نظر ان خدشات کا اظہار کیا جارہا تھا کہ نیوزی لینڈ کے بعد انگلینڈ بھی اپنا دورہ پاکستان منسوخ کرسکتا ہے۔اس پر انگلینڈ کرکٹ بورڈ نے کہا تھا کہ وہ نیوزی لینڈ کے دورہ پاکستان کو ختم کرنے کے معاملے پر نظر رکھے ہوئے ہے اور جلد اس پر فیصلہ کریں گے۔ تاہم اب انگلینڈ اینڈ ویلز کرکٹ بورڈ کی جانب سے دورہ پاکستان کو ختم کرنے کا باقاعدہ اعلان کردیا گیا ہے۔
ادھر چیئرمین پی سی بی رمیز راجہ نے انگلینڈ کرکٹ بورڈ کے سیریز منسوخ کرنے کا مایوس کن قرار دیا ہے۔
Disappointed with England, pulling out of their commitment & failing a member of their Cricket fraternity when it needed it most. Survive we will inshallah. A wake up call for Pak team to become the best team in the world for teams to line up to play them without making excuses.
— Ramiz Raja (@iramizraja) September 20, 2021
سماجی رابطے کی ویب سائٹ ٹویٹر پر ٹویٹ کرتے ہوئے انکا کہنا تھا کہ انگلینڈ نے کرکٹ کھیلنے والے ملک کو جب ان کی سب سے زیادہ ضرورت تھی تو انکا ساتھ نہیں دیا۔یہ پاکستان کرکٹ ٹیم کے لیے ویک اپ کال ہے کہ وہ دنیا کی بہترین ٹیم بنے تاکہ ٹیمیں بہانے بناکر ان سے سیریز ملتوی نہ کریں۔