مانچسٹر(وسیم چودھری) برطانیہ میں پاکستانی بزنس کمیونٹی کے افراد فاسٹ فوڈ ریسٹورنٹ کے بزنس میں نمایاں کامیابیاں حاصل کررہے ہیں ،مانچسٹر کی معروف پاکستانی و کاروباری شخصیت محمد شفیق نے بھی مانچسٹر کے دل لانگ سائیٹ میں فاسٹ فوڈ ٹیک وے برگر بی کی نئی برانچ کا افتتاح کردیا ہے۔
محمد شفیق کا تعلق پاکستان کے شہر میاں چنوں سے ہے، مانچسٹر میں محمد شفیق ریسٹورنٹ کے شعبہ سے دو دہائیوں سے زائد عرصہ سے منسلک تھے ،مانچسٹر میں نئی فاسٹ فوڈ چین کے افتتاح کے موقع پر مانچسٹر کی اہم شخصیات نے شرکت کی اور محمد شفیق کو برطانیہ میں بزنس میں کامیابی پر مبارکباد پیش کی ۔
تقریب کے میزبان محمد شفیق ، ڈاکٹر زاھد چوہان ، محبوب قمر ، سابق لارڈ مئیر مانچسٹر کونسلر عابد چوہان کا کہنا تھا کہ مانچسٹر میں محمد شفیق کے فاسٹ فوڈ بزنس سے وابستگی بھی کامیابی کی علامت ہے ،محمد شفیق ہاسپٹیلٹی سیکٹر میں وسیع تجربے کے حامل ہیں، انکی کامیابی پاکستان کی کامیابی ہے اور نوجوانوں کو روزگار کے موقعے ملیں گے۔
تقریب میں علامہ محبوب قمر نے فاسٹ فوڈ چین برگر بی کی کامیابی کے لیے خصوصی دعا کی۔
تقریب میں ڈپٹی لیڈر مانچسٹر سٹی کونسل لطف الرحمان، کونسلر عابد چوہان، جاوید اقبال، عبدالجبار، عبدالغفار، سولسٹر شعیب تاج، بزنس مین طارق سرور، حافظ عبداللہ، سولسٹر محمد شاھد، سمیت مانچسٹر سے مختلف شعبہ ہائے زندگی سے تعلق رکھنے والے افراد نے شرکت کی اور محمد شفیق کو مبارکباد پیش کی، نیک تمناؤں کا اظہار کیا اور شرکا کو فوڈ ٹیسٹنگ بھی کرائی گئی۔