پورٹ لیش آئرلینڈ (وسیم بٹ ) تحریک منہاج القرآن آئرلینڈ کی ایگزیکٹو کونسل کا پورٹ لیش کے ایک مقامی ریسٹورانٹ گریل اینڈ چیل میں ایک اہم اجلاس منعقد ہوا جس میں تحریک منہاج القرآن آئرلینڈ کی تمام ایگزیکٹیو کونسل کے علاوہ ڈبلن،لمرک،کارلو اور پورٹ لیش کی اہم شخصیات نے خصوصی طور پر شرکت کی۔
اجلاس کا آغاز منہاج القرآن آئرلینڈ کے سیکرٹری فنانس حافظ سعید بھٹی نے تلاوت قرآن پاک سے کیا ڈاکٹر گلزار احمد نے حضور نبی اکرمؐ کی بارگاہ اقدس میں گلہائے عقیدت پیش کیے منہاج القرآن آئر لینڈ کے صدر وسیم بٹ نے تمام معزز مہمانوں کو خوش آمدید کہا اور اجلاس کے اغراض و مقاصد بیان کرتے ہوئے کہا کہ تحریک منہاج القرآن چونکہ فیضان گنبد خضریٰ ہے جو آج کے مادی دور میں اپنے قائد شیخ الاسلام ڈاکٹر محمد طاہرالقادری کی قیادت میں ملت اسلامیہ کو پھر سے محبت و الفت،اتحاد و یگانگت اور پوری عالم انسانیت کو مکین گنبد خضریٰ کی عطا کردہ آفاقی ہدایت کی روشنی کا پیغام دے رہی ہے۔
انہوں نے کہا کہ آج کا ہمارا اجلاس تحریک منہاج القرآن کے دعوتی و تبلیغی ،تحریکی وتنظیمی امور کے علاوہ احوال امت اور غلبہ دین حق کی بحالی اور اس دیار غیر میں اپنی نوجوان نسل کو قرآن و سنت کی طرف راغب کرنے پر غور و خوص کیا جائے گا اور بالخصوص 27 فروری بروز اتوار پورٹ لیش میں پیس کانفرنس بسلسلہ شیخ الاسلام ڈاکٹر محمد طاہرالقادری کی71 ویں سالگرہ کا انعقاد اور اس سے اگلے روز 28 فروری بروز پیر شب معراج کا پروگرام جو انوار مدینہ مسجد ڈبلن میں انعقاد پذیر ہوگا۔
اس پر آپ سب کی آراء اور تجاویز کی روشنی میں ختمی شکل دی جائے گی شرکاء اجلاس کا کہنا تھا کہ قرآن مجید قیامت تک کے لئے منبع رشد و ہدایت اور ذریعہ رہنمائی ہے اب کسی پیغمبر نے نہیں آنا خاتم النبیین حضور نبی اکرمﷺنے دعوت حق کا فریضہ براہ راست امت محمدیہ کو سونپا ہے مصطفوی تعلیمات کو عصری تقاضوں کے مطابق ہر خاص و عام اور بالخصوص اس دیار غیر میں اپنی نوجوان نسل تک پہنچانا ہے تبھی ہماری یہاں پروان چڑھنے والی نوجوان نسل دین حق اور اپنی اصل پر قائم رہے گی ۔
تمام شرکاء اجلاس نے باہمی غوروخوض اور طویل مشاورت کے بعد آئندہ منعقد ہونے والے تمام پروگرامز کو بھی حتمی شکل دے دی گئی آخر میں علامہ محمد عدیل نے تمام امت مسلمہ پاکستان کی ترقی و خوشحالی اور شیخ الاسلام ڈاکٹر محمد طاہرالقادری کی صحت و تندرستی کے لیے خصوصی دعا بھی کی۔
تمام شرکاء کی تواضع گریل اینڈ چیل کے نہایت ہی لذیذ اور شاندار کھانوں سے کی گئی اجلاس میں جن احباب نے شرکت کی ان میں علامہ محمد عدیل ،عتیق باجوہ صدر پی ٹی آئی آئرلینڈ،پورٹ لیش کی معروف سیاسی سماجی شخصیت نعیم اقبال، معروف بزنس مین رانا احتشام،علامہ محمد افضال،رضوان احمد طور ،حافظ سعید بھٹی ،محمد یوسف ،مدثر حسین،رانا فیصل ،ڈاکٹر گلزار احمد،حافظ محمد نعیم چوہدری ،عبدالقیوم ،راحیل شہزاد ،آصف عزیز،محی الدین ،چوہدری عامر اور وسیم بٹ شامل تھے ۔