کوبلنز(نمائندہ خصوصی)جرمنی میں یوتھ لیگ کوبلنز کی جانب سے ایک اجلاس کا انعقاد کیا گیاجس کی صدارت مفتی ممتاز حسین پیرزادہ چیئرمین انٹرنیشنل پیس کونسل جرمنی نے کی۔
تلاوت قرآن پاک سے محفل کاآغاز ہوا اور بارگاہ رسالت مآب میں ہدیہ درود سلام پیش کیا گیا،میٹنگ میں نوجوانوں کا کہنا تھا کہ اسلامی اقدار کی احیاء کیلئے قرآنی تعلیمات کو عام کرنے کے لیے ماہانہ محفل کا اہتمام، دین سیکھنے کے کورسز، شب بیداری، دعوت دین کو موثر بنانے کے لئے اقدامات، عربی، اردو، جرمن زبان میں بیان کے ذریعہ سے تمام کمیونٹی کی یوتھ کو دین کی آگاہی کو آسان بنایا جائے۔
میٹنگ میں عربی، الجزائر، افریقہ، افغانی، پاکستانی مختلف کمیونٹی کے شرکاء نے حصہ لیا اور امید ظاہر کی کہ جرمنی میں اسلام کی دعوت کو موثر بنانے کے لیے نوجوان اپنا کردار ادا کرتے رہیں گے۔
آخر میں مرکزی جامع مسجد اقصٰی کوبلنز کی انتظامیہ کی طرف سے سب کو ضیافت سے تواضع کی گئی۔