سٹاک ہوم (نمائندہ خصوصی) سویڈن میں رواں سال ستمبر میں عام انتخابات ہونے جا رہے ہیں جس میں مختلف مکتبہ فکر سے تعلق رکھنے والے پاکستانی مختلف سویڈش سیاسی جماعتوں سے انتخابات میں حصہ لے رہے ہیں۔
ایسے ہی مالمو میں مقیم چوہدری نوید حسین آرا ئیں نیانس پارٹی کی طرف سے سویڈش پارلیمنٹ صوبائی اسمبلی اور کمیون کی نشست کیلئے سویڈش انتخابات میں حصہ لے رہے ہیں نوید حسین آرائیں نے گزشتہ اتوار دوستوں کے ہمراہ مالمو سے سٹاک ہوم کا دورہ کیا اور اور سٹاک ہوم میں مقیم پاکستانی کمیونٹی کی سرکردہ شخصیات سے ملاقات کی۔
نوید حسین آرائیں کے ہمراہ مالمو سے معروف کاروباری شخصیت محمد جاوید کاروباری اور سیاسی شخصیت پاکستان تحریک انصاف سویڈن کے سینئر رہنما شاہد نسیم اور سماجی شخصیت و سینئر صحافی ملک نصیر شامل تھے، نوید حسین آرائیں نے کمیونٹی سے خطاب کیا اور پارٹی نیانس کے منشور بارے آگاہ کیا ۔
نوید حسین آرائیں نے سٹاک ہوم میں مقیم پاکستانی کمیونٹی سے اپنے لئے ووٹ کرنے کی اپیل بھی کی، اس انتخابی مہم کی تقریب میں سٹاک ہوم سے سماجی شخصیت محمد علی لاشاری ،سماجی اور سیاسی شخصیت کشمیر کمیٹی سویڈن کے صدر شوکت خانم ہسپتال کے سفیر برائے سویڈن ڈنمارک جرمنی عامر علی ندیم ، سماجی شخصیت سینئر صحافی کاشف عزیز بھٹہ ،پاکستان تحریک انصاف سویڈن کے سینئر رہنما رؤف خان ،سماجی شخصیت حا مد علی ڈوگر ،سماجی شخصیت اشرف شاہ ،سماجی شخصیت کشمیر کمیٹی سویڈن کے سیکرٹری جنرل عامر جبار ،سماجی شخصیت موسی کاظم شاہ ، چوہدری شکیل و دیگر مدعو تھے ۔