جدہ (تارکین وطن نیوز) جدہ میں سرکاری انٹرٹینمنٹ اتھارٹی کی مشغول ترین سرگرم خاتون، سعودی انٹرٹینمنٹ اتھارٹی کی مشیر محترمہ نوشین وسیم نے نوجوانوں کی تنظیم ”پاکبان“ اور ”پاکستان جرنلسٹس فورم“ اور انکے اہل خانہ کے اعزاز میں ایک پرفضاء مقام پر خوبصورت محفل اور عشائیہ کا اہتمام کیا جس میں پی جے ایف کے اراکین اور پاکبان کے ممبران و انکے اہل خانہ نے بڑی تعداد میں شرکت کی۔
تقریب میں عمران صدیقی کے علاوہ عثمان عبدالحمید ،یحییٰ اشفاق اور دیگر اراکین موجود تھے۔ ایک مختصر محفل موسیقی کا بھی اہتمام کیا گیا۔ نوشین وسیم نے ہر مہمان کو خوش آمدید کہتے ہوئے آمد پر شکریہ ادا کیا۔
پاکستان جرنلسٹس فورم کے اراکین نے اس موقع پر نوشین وسیم احمد کا شکریہ ادا کیا اور ان کی پاکستان دوست سرگرمیوں پر ان کا بھرپور ساتھ دینے کے عزم کا اعادہ کیا۔