دوہری تقریب کا انعقاد ادبی بیٹھک الحمرا میں ہوا، شعرا کی بھر پور شرکت
چئیرپرسن شاعرہ سیدہ تسنیم بخاری کوبزم تسنیم بخاری انٹرنیشنل کے قیام پر مبارکباد
اماراتی شاعرڈاکٹر زبیر فاروق العرشی اور ایگزیکٹو ڈائریکٹر الحمراء سلیم ساگر کی خصوصی شرکت
دبئی (طاہر منیر طاہر) الحمرا آرٹس کونسل کے ادبی بیٹھک ہال میں بزم تسنیم بخاری انٹرنیشنل کی پہلی سالانہ تقریب و محفل مشاعرہ کا انعقاد کیا گیا، جس میں پنجاب کے مختلف اضلاع سے علم و ادب وابستہ لوگوں نے شرکت کی۔
تقریب ہذا میں متحدہ عرب امارات کے اردو شاعرڈاکٹر زبیر فاروق العرشی اور ایگزیکٹو ڈائریکٹر الحمراء سلیم ساگرنے خصوصی طور پر شرکت کی، تقریب کے آغاز میں تلاوت کلام پاک کی سعادت احمد حجازی نے حاصل کی جبکہ نعت رسول مقبول عبدالمجید چٹھہ نے انتہائی خوش الحانی سے پڑھی۔
تقریب کے مہمان خصوصی امجد قبال امجد تھے جبکہ دیگر شرکا میں نواز کھرل، صغیر احمد صغیر، صابر انصاری، انیس احمد، اعظم ملک، اکمل حنیف، مہدی بخاری، پرنس اقبال گورائیہ، نسیم گلفام، ملک ارشاد، فرح خان، احتشام شامی، سید ضیاء حُسین، ظہیر الحسن ظہور، طارق اقبال حاوی، شبنم مرزا، نائلہ عابد، روبینہ شاہین، ثوبیہ خان نیازی، غضنفر ہاشمی، رجب چوہدری، علی شاہ نقوی، علی پیر علی، نیلم ملک، مشتاق قمر، منظر حسین اختر، ملک اصغر ساجد لنگراہ، رضا عباس رضا، زاہد اقبال ایڈوکیٹ، کراچی سے صحافی نوید شاد ارائیں، متحدہ عرب امارات سے صحافیوں اکبر جمیل باجوہ، خالد محمود گوندل اور طاہر منیر طاہر نے شرکت کی۔
اس موقع پر شعرا نے اپنا اپنا خوبصورت کلام اپنے اپنے منفرد انداز سے پڑھا اور حاضرین مجلس سے داد و تحسین وصول کی، تنظیم کی چیئرپرسن شاعرہ سیدہ تسنیم بخاری کو بزم تسنیم بخاری انٹرنیشنل کی پہلی سالگرہ اور قیام کو مبارکباد دی۔
مقررین نے امید ظاہر کی کہ متذکرہ ادبی تنظیم اردو ادب کے فروغ کے لئے گرانقدر خدمات سر انجام دے گی، تقریب کےآخر میں سیدہ تسنیم بخاری نے آنے والے تمام مہمانوں کا شکریہ ادا کیا اور ان کی تواضع ڈنر سے کی۔
