سالگرہ تقریب میں پاکستان تحریک انصاف متحدہ عرب امارات کے عہدیداران اورکارکنوں کی بھرپورشرکت
قائداعظم محمد علی جناح کے بعد عمران خان عوام کے دلوں کی دھڑکن ہیں، نواز خان جدون
دبئی (طاہر منیر طاہر) پاکستان تحریک انصاف متحدہ عرب امارات کے صدر نواز خان جدون کی جانب سے چیئرمین پاکستان تحریک انصاف عمران خان کی 70 ویں سالگرہ دبئی میں جوش و خروش سے منائی گئی،کپتان کی سالگرہ کے اس موقع پر پاکستان تحریک انصاف متحدہ عرب امارات کے عہدے داران اور کارکنوں نے بڑی تعداد میں شرکت کی۔
شرکت کرنے والوں میں صدر پی ٹی آئی ابوظہبی محمد ثقلین مہرو،صدر پی ٹی آئی ام القوین فہیم بیگ،صدر پی ٹی آئی عجمان مرزا صفدر،صدر پی ٹی آئی راس الخیمہ عادل ملک،صدر پی ٹی آئی شارجہ عتیق الرحمان،جنرل سیکرٹری پی ٹی آئی دبئی حمیرا ارشد اور نائب صدر پی ٹی آئی فجیرہ سردارعلی سمیت کئی کارکنان بھی اس تقریب کا حصہ بنے۔
اس موقع پر صدر پاکستان تحریک انصاف متحدہ عرب امارات نواز خان جدون نے اپنے خیالات کا اظہار کرتے ہوئے کہا کے قائد اعظم محمد علی جناح کے بعد اگر کوئی لیڈر ہے جو حقیقی معنوں میں عوام کے دلوں کی دھڑکن ہے تو وہ عمران خان ہے جن کی ایک کال پہ پورا پاکستان گھروں سے نکلنے کا عزم رکھتا ہے۔
پاکستان تحریک انصاف متحدہ عرب امارات کے مختلف عہدے داران اور کارکنوں نے بھی اپنے خیالات کا اظہار کرتے ہو ئے چیئرمین پاکستان تحریک انصاف کو سالگرہ کی مبارکباد دی،اس موقع پر صدر پی ٹی آئی متحدہ عرب امارات نے خیام الحق کو انفارمیشن سیکریٹری پی ٹی آئی متحدہ عرب امارات مقرر کیا۔
تقریب کے اختتام پرکپتان کی سالگرہ کا کیک کاٹا گیا اور کھانے کا اہتمام بھی کیا گیا۔ پی ٹی آئی کے چیئرمین عمران خان 5 اکتوبر1952 کو لاہور میں پیدا ہوئے لہٰذا ہرسال 5 اکتوبر کو عمران خان کے چاہنے والے ان کی سالگرہ مناتے ہیں۔