قائد پی ایم ایل این محمد نواز شریف کے بیانیے کو آگے بڑھانے کا عزم
سوشل میڈیا ٹیم (SMT) کی ہیڈ مقرر ہونے پرفرزانہ کوثر کو مبارکباد اور اعتماد کا اظہار
دبئی (طاہر منیر طاہر) پاکستان مسلم لیگ ن متحدہ عرب امارات کی سوشل میڈیا ٹیم کے جوائنٹ ہیڈ رانا فیصل ریاض، ڈپٹی ہیڈ رانا نعیم احمد اور اسٹنٹ ہیڈ ابوشازل اور دیگرارکان و ممبران نے متحدہ عرب امارات میں پاکستان مسلم لیگ ن کی ہیڈ مقرر ہونے پرفرزانہ کوثر اور SMT کا صدر بننے پر ڈاکٹرمحبوب احمد کو مبارکباد دیتے ہوئے ان کی قیادت پر مکمل اعتماد کا اظہار کیا ہے۔
متذکرہ اراکین و ممبران SMT نے کہا ہے کہ ہم فرزانہ کوثر اور محبوب احمد کی سربراہی میں اپنی ذمہ داریاں پوری تن دہی سے نبھائیں گے اورقائد پی ایم ایل این محمد نواز شریف کے بیانیے کو آگے بڑھائیں گے۔
رانا نعیم احمد، ابوشازل اور رانا فیصل ریاض نے اس عزم کا اظہار کیا کہ وہ بھرپور طریقے سے سوشل میڈیا کو متحرک رکھیں گے، انہوں نے کہا کہ PMLN کی سوشل میڈیا ٹیم ہر قسم کے پروپیگنڈے کا موثر جواب دینے کی اہلیت رکھتی ہے۔