نیدرلینڈز:سفیرپاکستان سلجوق مستنصر تارڑ کی رائل ڈچ کرکٹ ایسوسی ایشن (KNCB) کے چیئرمین مسٹر خیڈو لانڈھیر سے ملاقات
سفیر پاکستان نے نیدرلینڈز کے آئندہ ورلڈ کپ کیلئے کوالیفائی کرنے پر مسٹر لانڈھیر کو مبارکبادپیش کی
دی ہیگ ( نمائندہ خصوصی) نیدرلینڈز میں پاکستان کے سفیر سلجوق مستنصر تارڑ نے رائل ڈچ کرکٹ ایسوسی ایشن (KNCB) کے چیئرمین مسٹر خیڈو لانڈھیر سے ملاقات کی۔
اس موقع پر سفیر پاکستان نے نیدرلینڈز کے آئندہ ورلڈ کپ کے لیے کوالیفائی کرنے پر مسٹر لانڈھیر کو مبارکباد دی اور مستقبل کے لیے نیک خواہشات کا اظہار کیا۔
دونوں اطراف نے کھیلوں کے ذریعے دونوں ممالک کے درمیان تعلقات کو فروغ دینے کی کاوشوں کو سراہا۔سفیر پاکستان نے KNCB کو مستقبل میں کرکٹ مقابلوں کے انعقاد میں سفارت خانہ کے تعاون کا بھی یقین دلایا۔
ملاقات کے دوران سفیر پاکستان سلجوق مستنصر تارڑ نے مسٹر خیڈو لانڈھیر کو پاکستانی خواتین کرکٹرز کے بارے میں لکھی گئی ایک کتاب”Women and Green” اور پاکستان کی بنی ہوئی کرکٹ کی بال بھی پیش کی جسے مسٹر خیڈو لانڈھیرنے بہت سراہا۔