کراچی(شوبز نیوز)بالی ووڈ اداکارہ دیپیکا پڈوکون نے فوٹو گرافر سے اس کے موبائل فون کا کور مانگ لیا۔
سوشل میڈیا پر سامنے آنیوالی ویڈیو میں دپیکا پڈوکون کے ایک لان کے قریب دیکھا گیا جہاں کیمرہ مین اور دوسرے لوگ بھی موجود ہیں، جب وہ لوگ دیپیکا سے ان کی تصاویر کے لیے مختلف طرح سے پوز کی درخواست کررہے تھے تو اداکارہ نے ان سے کہا کہ آپ سب کے پاس تو فوٹو بھی ہے ، ویڈیو بھی ہے ، موبائل فون اور کیمرے دونوں ہیں۔
اسی اثناہ میں دیپیکا کی نظر ایک فوٹوگرافر کے موبائل کور پر پڑی تو انھوں نے شرارتی انداز میں اس سے موبائل کور مانگ لیا اور کہا کہ دے دو ناں۔
پھر اداکارہ نے موبائل فون ہاتھ میں پکڑ کر اسے دیکھا اور ایک بار پھر پوچھا کہ لے سکتی ہوں؟ جس کے جواب میں فوٹوگرافر نے کہا کہ وہ انھیں اس طرح کا کور ان کی سالگرہ پر تحفہ دے گا۔