برطانیہ میں ہفتہ نوجوانان کی مناسبت سے روچڈیل میں نوجوانوں کی خدمات کو سراہانے کیلئے آرٹ کی سرگرمیوں کاانعقاد
روچڈیل (محمد فیاض بشیر) برطانیہ میں ہفتہ نوجوانان کی مناسبت سے روچڈیل میں نوجوانوں کی خدمات کو سراہانے کے لیے آرٹ کی سرگرمیوں کاانعقاد ۔ مئیرروچڈیل کونسلر شکیل احمد، یوتھ ورکر ندیم حسین اور نوجوانوں کی شرکت۔
مئیر کونسلر شکیل احمد نے کہا ہفتہ نوجوانان کو منانے کے لیے تقریب کا انعقاد کیا گیا تاکہ جو نوجوان مقامی سطح پر کمیونٹی کی بہتری کے لیے نمایاں کام انجام دے رہے ہیں انکی خدمات کو سراہا جائے ۔
یوتھ ورکر ندیم حسین کا کہنا تھا کہ ہم مقامی سطح پر نوجوانوں اور یوتھ ورکرز نے کمیونٹی کی بہتری کے لیے جو کارنامے سر انجام دے ہیں انکی خدمات کا اعتراف کرتے ہوئے جشن بھی منایا جائے۔ڈپٹی مئیر کونسلر ایمزلی نے بھی نوجوانوں کی خدمات کو خراج تحسین پیش کیا۔
کونسلر ثمینہ ظہیر نے کہا کہ آج نوجوان کے لیے آرٹ کی سرگرمیوں کا انعقاد کیا گیا کیونکہ کئی دفعہ آپ زبان سے وہ بیان نہیں کر سکتے جو آپ تصویر میں اسکا اظہار کر سکتے ہیں ۔ڈیپلش کمیونٹی سنٹر کے منیجرسہیل احمد نے بھی مقامی سطح پر نوجوانوں کی کارکردگی کو سراہا ۔
مقامی نوجوانوں نے انکی خدمات کے سراہانے کے جذبہ کو قابل ستائش قرار دیا ۔برطانیہ میں ہفتہ نوجوانان کی مناسبت سے روچڈیل کے اندر تقریب کا انعقاد اس بات کی غمازی کرتا ہے کہ نوجوانوں کی خدمات کو سراہانے میں پیش پیش ہیں۔