قونصلیٹ جنرل آف پاکستان دبئی کے قونصل جنرل نے عزت مآب پرنس کریم الحسینی آغا خان چہارم کی رحلت پر اظہار تعزیت کیا

عزت مآب کی زندگی دنیا بھر میں پسماندہ اور کمزور انسانیت کی خدمت کی امید تھی

پرنس کریم آغا خان چہارم اور پاکستان کے درمیان گہرے تعلق کو بھی اجاگر کیا گیا

دبئی (طاہر منیر طاہر) پاکستان کی حکومت اور عوام کی جانب سے حسین محمد قونصل جنرل آف دبئی قونصلیٹ نے اسماعیلی سنٹر دبئی کا دورہ کیا اور عزت مآب پرنس کریم الحسینی آغا خان چہارم کی رحلت پر تعزیت کی۔

قونصل جنرل حسین محمد نے کہا کہ عزت مآب کی زندگی انسانیت کی خدمت کے لیے ایک امید تھی اور وہ دنیا بھر میں پسماندہ اور کمزور انسانیت کی خدمت کی امید تھی۔ قونصل جنرل حسین محمد نے ہز ہائینس پرنس کریم آغا خان چہارم اور پاکستان کے درمیان گہرے تعلق کو بھی اجاگر کیا، ملک کی ترقی میں ان کی نمایاں خدمات کو یاد کیا۔

انہوں نے مزید کہا کہ انسان دوستی کی ان کی لازوال وراثت آنے والی نسلوں کو متاثر کرتی رہے گی۔ دبئی میں پاکستان کا قونصلیٹ جنرل اسماعیلی کمیونٹی اور ایک غیر معمولی عالمی انسانی ہمدردی کے رہنما کے انتقال پر سوگوار تمام لوگوں سے ہمدردی کا اظہار کرتا ہے۔