ویانا (رپورٹ:محمد عامر صدیق) پاک آسٹرین ایسوسی ایشن (PAA) کی ماہانہ میٹنگ ویانا کے ایک مقامی ریسٹورینٹ ڈیلی کنگ میں صدر قمر حسین چوہدری کی سربراہی میں منعقد کی گئی۔
میٹنگ کا آغاز سینئر نائب صدر شیخ وحید احمد کی تلاوت قرآن پاک سے ہوا اور گلہائے عقیدت پیش کرنے کی سعادت چوہدری اورنگزیب کو حاصل ہوئی، میٹنگ میں اسٹیج سیکرٹری کے فرائض ارسلان گجر نے ادا کیے۔
جنرل سیکرٹری سید محمود حسین شاہ نے میٹنگ کا ایجنڈا پڑھ کر سنایا جس میں عید ملن پارٹی سرفہرست تھی بعد میں نائب صدر ارسلان گجر نے سب دوستوں کا شکریہ ادا کیا،آخر میں ملک پاکستان فلسطین و کشمیر کے مسلمانوں کے لیے خصوصی دعائیں کی گئیں۔
بعدازاں مہمانوں کی مزے مزے کے پکوانوں سے تواضع کی گئی اور شرکاء انواع و اقسام کے کھانوں سے خوب لطف اندوز ہوئے۔
