آسٹریا چیمبرآف کامرس (ویل شارف کاما) کے انتخابات میں پاکستانی کاروباری شخصیت ندیم خان کی بطورامیدوار (گرونے ویرت شارف) کی جانب سے شرکت
چیمبر کا حصہ بن کر تارکین وطن اور پاکستانی کمیونٹی کے کاروباری حقوق کا تحفظ کرونگا، ندیم خان
ویانا (رپورٹ: محمد عامر صدیق) آسٹریا چیمبر آف کامرس (ویل شارف کاما) کے انتخابات 11 مارچ سے 13 مارچ 2025 تک منعقد ہوں گے، جن میں پاکستانی کمیونٹی کی معروف سماجی و کاروباری شخصیت اور پاکستانی کمیونٹی فورم آسٹریا کے صدر ندیم خان بطور امیدوار حصہ لے رہے ہیں۔
وہ (گرونے ویرت شارف) کی قیادت میں قائم کردہ پینل کا حصہ ہیں،پاکستانی تاجروں کے حمایت یافتہ امیدوار ندیم خان پلاٹس 2 سوائے ٹرانسپورٹ کمپنیوں کے حوالے سے نہ صرف پاکستانی کاروباری برادری کے مفادات کے تحفظ کے لیے میدان میں اترے ہیں، بلکہ آسٹریا میں تارکین وطن کے کاروبار کی آواز بننے کیلئے بھی پر عزم ہیں۔
اُن کی شرکت ان تمام کاروباری،ٹرانسپورٹ کمپنیوں کے افراد کے لیے ایک اہم موقع فراہم کرتی ہے جو آسٹریا چیمبر آف کامرس (ویل شارف کاما) میں مؤثر نمائندگی کے خواہشمند ہیں۔ندیم خان کی جانب سے جاری بیان میں کہا گیا ہے کہ ان کا مقصد چھوٹے اور درمیانے درجے کے ٹرانسپورٹ کمپنیوں، کاروباریوں کے حقوق کا تحفظ اور غیر قانونی کاروباری رکاوٹوں کے خلاف جدوجہد کرنا ہے۔
آسٹریا چیمبر آف کامرس (ویل شارف کاما) کے انتخابات میں ندیم خان پہلے پاکستانی ہیں جنہیں یہ اعزاز حاصل ہوا ہے کہ وہ آسٹریا میں انتخابات میں حصہ لے رہے ہیں۔ پاکستانی کمیونٹی آسٹریا بھر میں اپنی معاشی سرگرمیوں کو مزید مستحکم کرنا چاہتی ہے۔
ندیم خان نے کہا آسٹریا میں کاروباری افراد کو متعدد مشکلات کا سامنا ہے۔ میری کوشش ہوگی کہ (ویل شارف کاما) کا حصہ بن کر تارکین وطن اور خاص طور پر پاکستانی کمیونٹی کے ٹرانسپورٹروں، کاروباری حقوق کا تحفظ کروں، مجھے امید ہے کہ آسٹریا کے کاروباری حلقے میرے عزم پر اعتماد کریں گے۔
یہاں یہ بات قابل ذکر ہے کہ آسٹریا چیمبر آف کامرس (ویل شارف کاما) کے انتخابات میں ندیم خان حصہ لینے والے واحد پاکستانی امیدوار ہیں، ان کی موجودگی نہ صرف کمیونٹی کے مفادات کی پاسداری کی ضمانت ہے بلکہ یہ بھی ثابت کرتی ہے کہ پاکستانی تارکین وطن معاشرتی اور معاشی ترقی میں کلیدی کردار ادا کر رہے ہیں۔
آسٹریا کی پاکستانی مختلف سیاسی، کاروباری،سماجی، مذہبی اور تاجر برادری نے آسٹریا چیمبر آف کامرس (ویل شارف کاما) کے انتخابات میں ووٹ ڈالنے کا حق رکھنے والے تمام ٹرانسپورٹ کمپنیوں کے ووٹرز سے اپیل کی ہے کہ وہ تاریخ 11 مارچ سے 13 مارچ 2025 کے دوران ندیم خان کو ووٹ دے کر کامیاب بنائیں۔