فرانس میں پاکستان کی سفیر محترمہ ممتاز زہرہ بلوچ کی پاکستانی نژاد فرانسیسی تاجروں کیساتھ ملاقات، دوطرفہ تجارت اور سرمایہ کاری پر تبادلہ خیال
پیرس (سلطان محمود سے) فرانس میں پاکستان کی سفیر محترمہ ممتاز زہرہ بلوچ نے پاکستانی نژاد فرانسیسی تاجروں کے ساتھ ملاقات کی، جس میں پاکستان اور فرانس کے درمیان دوطرفہ تجارت اور سرمایہ کاری پر تبادلہ خیال کیا گیا۔
سفیر نے تاجروں کو پاکستان میں سرمایہ کاری کرنے کی ترغیب دی اور سفارت خانے کی جانب سے مکمل تعاون کا یقین دلایا۔ اس ملاقات کا مقصد دونوں ممالک کے درمیان اقتصادی تعلقات کو مضبوط بنانا اور باہمی تجارت کو فروغ دینا تھا۔
اس سے قبل، سفیر ممتاز زہرہ بلوچ نے فرانس کے صدر ایمانوئل میکرون کو اپنی اسناد پیش کیں اور فرانسیسی وزارت خارجہ کے ڈائریکٹر ایشیا مسٹر بینوئٹ گائیڈی سے ملاقات کی، جس میں دوطرفہ اور بین الاقوامی امور پر تبادلہ خیال کیا گیا۔
ان ملاقاتوں میں بھی پاکستان اور فرانس کے تعلقات کو مزید مضبوط بنانے اور مختلف شعبوں میں تعاون بڑھانے پر زور دیا گیا۔
مزید برآں، سفیر ممتاز زہرہ بلوچ نے پیرس میں وزرائے زراعت کی کانفرنس میں پاکستان کی نمائندگی کی اور فرانس کے زراعت اور تحفظ خوراک کے وزیر سے ملاقات کی، جس میں زراعت کے شعبے میں تعاون کے امکانات پر غور کیا گیا۔
یہ تمام اقدامات دونوں ممالک کے درمیان اقتصادی اور تجارتی تعلقات کو فروغ دینے کی کوششوں کا حصہ ہیں۔