جدہ سیزن میں کمیونٹی کیلئے رنگا رنگ تفریحی پروگرامزپانچ ہفتوں تک جاری رہیں گے، نوشین وسیم
جدہ(امیر محمد خان سے)سعودی انٹرٹینمنٹ اتھارٹی کی مشیر نوشین وسیم نے اپنے "نوشین آرٹ اینڈ کلچرل سینٹر کی جانب سے ایک مقامی ہوٹل میں ایک شاندار افطار ڈنر کا اہتمام کیا جس میں پاکستانی ،فلپاینی،بنگلہ دیش ،سری لنکا بھارت، کی سرکردہ کمیونٹی اور اہل خانہ نے شرکت کی ۔
نوشین وسیم نے سعودی عرب میں نوجوانوں کے فنون لطیفہ کو ترقی کے مواقع دینے کیلئے آرٹ اینڈ کلچرل سینٹر قائم کیا ہے جہاں انکی صلاحیتوں کی منظور شدہ سینٹر سے حوصلہ افزا ئی ہوسکے ۔اس موقع پر سینٹر کی سربراہ اور جیا کی مشیر نوشین وسیم نے تمام مہمانوں کا افطار میں شرکت کا وقت نکالنے پر شکریہ ادا کرتے ہوئے کہا مئی میں شروع ہونے والے جدہ سیزن میں انہیں نیشنل ایونٹ سینٹر نےسعودی عرب کی پانچ کمیونٹیوں کے پروگرام کرنے کی ذمہ داری دی گئ ہے اور اسکے لئے جدہ کے مشہور پارک ” امیر ماجد "” پارک کو مخصوص کیا گیا ۔
جہان پاکستانی،فلپائنی ،سری لنکا ، بھارتی اور بنگلہ دیشی کمیونٹی کیلئے رنگا رنگ تفریحی پروگراموں کا انعقاد ہوگا جو پانچ ہفتوں تک جاری رہیگا ۔کنسرٹس،کھانے پینے کے اسٹالز اور خاص طور پر بچوں کیلئے جھولوں اور اور کھیلوں کا بلا معاوضہ اہتمام ہوگا۔
انہوں نے اس موقع ہر جیا کی انتظامیہ اور خاص پر شہزادہ محمد بن سلمان کا شکریہ ادا کیا کہ انکی دلچسپی اور اجازت سے یہان برسر روزگار کمیونٹی اور انکے اہل خانہ کیلئے صحت مند تقریبات کا اہتمام کیا جارہا ہے اور اس زون کی ذمہ داری جیا نے انہیں سونپی ہے۔