ایتھنز(انصر اقبال بسرا)یونان میں مقیم پاکستانی نوجوان اشراق نذیر کو سفارتخانہ پاکستان یونان کی طرف سے تعریفی سند سے نوازا گیا۔
اشراق نذیر کو یونان سمیت دنیا بھر میں پاکستان کا نام روشن کرنے پر اعزازی سند سے نوازا گیا اشراق نذیر نے پاکستان کے ڈائمنڈ جوبلی کے موقع پر یونان میں بحرہ انجئین کی گہرائی میں 75 منٹ تک پاکستانی پرچم کو لہرایا۔
اشراق نذیر یورپ میں واحد پاکستانی ہیں جنھوں نے بحر انجئین کی گہرائی میں جا کر سبز ہلالی پرچم لہرایا سفارتخانہ پاکستان ایتھنز میں قائم مقام سفیر عظیم خان نے اشراق نذیر سے ملاقات کے بعد خصوصی گفتگو کرتے ہوئے کہا کہ اشراق نذیر نے پاکستان کے ڈائمنڈ جوبلی کے موقع پر یونان میں پاکستان کا سر فخر سے بلند کیا ہے۔
ہمیں اس نوجوان پر فخر ہے ہمارے دوسرے نوجوانوں کو بھی اشراق نذیر جیسے کارنامے کر کے دیار غیر میں پاکستانی تشخص کو بلند کرنا چاہیے۔
سفیر پاکستان کا کہنا تھا کہ اشراق نذیر جیسے نوجوانوں کی پاکستان کو اشد ضرورت ہے اشراق نذیر ایسا نوجوان ہے جب بھی یونان میں پاکستانی کمیونٹی کو کوئی مسئلہ پیش آیا تو اس نوجوان نے سب سے پہلے اپنے آپ کو پیش کیا۔
ہمیں ایسے نوجوانوں پر فخر ہے ہم خوشی کے اس موقع پر اس نوجوان کو خراج تحسین پیش کرتے ہیں