فرینکفرٹ(تارکین وطن نیوز ) وزیراعظم پاکستان عمران خان کے مشیر اور کامیاب جوان پروگرام کے چیئر مین عثمان ڈار نے فرینکفرٹ جرمنی میں پاکستان کے قونصل خانے کا دورہ کیا۔
ہیڈ آف چانسری شعیب منصور ، قونصل جنرل زاہد حسین ،شیراز گیلانی اور رانا وسیم نے قونصلیٹ جنرل آف پاکستان میں ان کا پرتپاک استقبال کیا۔
اس موقع پر جرمنی میں پاکستانی کمیونٹی کے مختلف مسائل ، کاروبار اور جرمن سیاست پر تبادلہ خیال کیا گیا۔
آخر میں پاکستان تحریک انصاف جرمنی کے سینئر نائب صدر رانا محمد وسیم نےشعیب منصور کا مہمان نوازی پر شکریہ ادا کیا۔