یوم فلسطین یک جہتی کے عالمی دن پر بورو کونسل راچڈیل کے میئر کونسلر شکیل احمد نے راچڈیل ٹاؤن ہال کے باہر تاریخ میں پہلی بار فلسطین کا پرچم بلند کر دیا

راچڈیل (محمد فیاض بشیر) میئر راچڈیل کونسلر شکیل احمد نے اس موقع پر مرد و خواتین سے خطاب کرتے ہوئے کہا کہ راچڈیل میں پہلی بار فلسطین کا جھنڈا بلند کرنا میرے لیے ایک اعزاز کی بات ہے۔

آج فلسطینی عوام کے ساتھ یکجہتی کا عالمی دن ہے۔ میں ان تمام لوگوں کا شکریہ ادا کرنا چاہوں گا جنہوں نے شرکت کی اور اسے ممکن بنایا۔ ہماری دعا ہے کہ خطے میں امن بحال ہو۔

برطانیہ نے ہمیشہ امن قائم کرنے کے لیے دنیا بھر میں اپنا کردار ادا کیا ہے دنیا کے تنازعات کا حل صرف امن ہے،کوئی بھی معاشرہ تبھی ترقی کے منازل طے کر سکتا ہے جب امن و امان کا ماحول ہو اور لوگوں کو بنیادی سہولیات میسر ہوں