قومی امن کمیٹی برائے بین المذہب ہم آہنگی و انسانی حقوق خیبر پختون خواہ اور فیڈرل یوتھ پارلیمنٹ کے ممبران کی جانب سے افواج پاکستان کے حق میں ریلی کا انعقاد
پشاور (تارکین وطن نیوز) قومی امن کمیٹی برائے بین المذہب ہم آہنگی و انسانی حقوق خیبر پختون خواہ اور فیڈرل یوتھ پارلیمنٹ کے ممبران نے مشترکہ طور پر افواج پاکستان اور پاکستان کے اداروں کے حق میں ایک عظیم الشان ریلی نکالی، یہ ریلی ڈسٹرکٹ کونسل ہال پشاور سے روانہ ہو کر قلعہ بالا حسار پر اختتام پذیر ہوئی ۔
ریلی کی سربراہی قومی امن کمیٹی برائے بین المذہب ہم آہنگی و انسانی حقوق خیبر پختون خواہ کے وائس چیئرمین عادل خان اور فیڈرل یوتھ پارلیمنٹ کے صدر محمد ابرار خلجی نے کی۔
تقریب سے خطاب کرتے ہوئے قومی امن کمیٹی برائے بین المذہب ہم آہنگی و انسانی حقوق خیبر پختون خواہ کے وائس چیئرمین عادل خان کا کہنا تھا کہ ہم اپنے اداروں کے ساتھ کھڑے ہیں ہمارے ادارے ہیں تو ہم ہیں، ہمیں چاہیے کہ ہم اپنے افواج پاکستان کی حوصلہ افزائی کرے اور ہر قدم پر اُن کے ساتھ چلیں ۔
ریلی میں شریک شرکاء سے خطاب کرتے ہوئے فیڈرل یوتھ پارلیمنٹ کے صدر ابرار خلجی کا کہنا تھا کہ ہم ہمیشہ اپنے پاک فوج کے ساتھ کھڑے ہوں گے، پاک فوج کی قربانیوں کو ہم ہمیشہ یاد رکھیں گے کیونکہ یہ فوج بھی ہماری ہے اور یہ ادارے بھی ہمارے ہیں ، پولیس بھی ہماری ہے، ہم صرف امن چاہتے ہیں جو ہمیں صرف اپنے ادارے دے سکتے ہیں۔
آخر میں قومی امن کمیٹی برائے بین المذہب ہم آہنگی و انسانی حقوق خیبر پختون خواہ کے وائس چیئرمین عادل خان اور فیڈرل یوتھ پارلیمنٹ کے صدر محمد ابرار خلجی نے آئے ہوئے تمام مہمانوں کا شکریہ ادا کیا۔