نو منتخب صدر پی ٹی آئی ابو ظہبی محمد ثقلین مہرو کی سفیر پاکستان افضال محمود سے ملاقات،پاکستانی کمیونٹی کے مسائل سے آگاہ کیا

ابو ظہبی(نمائندہ خصوصی)نو منتخب صدر پی ٹی آئی ابو ظہبی محمد ثقلین مہرو نے سفیر پاکستان افضال محمود سے پاکستان ایمبیسی میں ملاقات کی، ملاقات میں ملک شاہد بھی ان کے ہمراہ تھے۔

محمد ثقلین مہرو نے سفیر پاکستان افضال محمود کو پھولوں کا گلدستہ پیش گیا جس پر سفیر محترم نے شکریہ ادا کیا۔محمد ثقلین مہرو نے پاکستانی کمیونٹی کے مسائل سے آگاہ کیا اور اپنے تعاون کی یقین دہانی کروائی ۔

سفیر پاکستان افضال محمود نے کہا کہ ایمبیسی کے دروازے تمام پاکستانیوں کے لیے ہر وقت کھلے ہیں۔ وہ بذات خود شکایت سننے کے لیے ہر وقت موجود ہیں۔

انہوں نے مزید کہا کہ کھلی کچہری شروع کرنے کا مقصد ہی یہی ہے کہ ہم یہاں رہنے والے پاکستانیوں کے مسائل براہ راست سن سکیں اور اپنی خدمات میں بہتری لا سکیں۔

افضال محمود نے کہا کہ میرا پیغام ہر کسی تک پہنچائیں کہ بغیر کسی سفارش کے آپ پاکستان ایمبیسی آئیں، یہاں موجود عملہ آپ کے جائز اور قانونی مسائل کو حل کرنے کے لیے موجود ہے۔