کرکٹ کی ترقی پاکستان کی ترقی ہے،غلام حسین شاہد
دبئی (طاہر منیر طاہر) معروف کاروباری و سماجی شخصیت غلام حسین شاہد نے کرکٹ کے فروغ کا جو وعدہ دبئی میں کیا تھا اسے عملی شکل پاکستان کے کرکٹ گراوٴنڈز کو آباد کرکے پورا کردیا۔
جموں جانباز اورکنگڈم ویلی کے اونر غلام حسین شاہد نے گزشتہ ماہ دبئی میں کمیونٹی سے وعدہ کیا تھاکہ وہ کرکٹ کے فروغ کیلئے اپنی ہر ممکن کوشش کرینگے۔
وطن واپسی پر انہوں نے نہ صرف KPL بلکہ اس کے بعد نیشنل کپ اور اب انگلینڈ سیریز میں بھی اپنے حصے کی شمع جلا رہے ہیں۔
اپنے ایک بیان میں انکا کہنا تھا کہ وہ پاکستان کے نام اور ترقی میں اپنا حصہ ادا کر رہے ہیں اور جو وعدہ کیا تھا اسے پورا کر رہے ہیں- عوام کا اعتماد ہی سب کچھ ہے جبکہ کرکٹ کی ترقی پاکستان کی ترقی ہے۔