ٹورنامنٹ میں کشمیر، پاکستان، ہندوستان سمیت 16 ٹیمیں حصہ لے رہی ہیں
کرکٹ میچ شارجہ اور اوول کرکٹ عجمان میں کھیلے جائیں گے
کرکٹ شائقین کی بھا ری تعداد کرکٹ سے محظوظ ہو گی
دبئی (طاہر منیر طاہر) چنار سپر لیگ سیزن 5 کرکٹ ٹورنامنٹ پاک چنار ونگ کے زیر اہتمام 11 فروری سے شروع ہورہا ہے، چنار سپر لیگ سیزن 5 کے میچ شارجہ البتایا اور اوول کرکٹ عجمان میں کھیلے جائیں گے۔
تفصیلات کے مطابق چنار سپر لیگ سیزن 5 ، 11فروری 2023 سے شروع ہورہا ہے جو 12،11،اور 19فروری کو کھیلا جائے گا جس میں کشمیر، پاکستان، ہندوستان سمیت 16 ٹیمیں حصہ لے رہی ہیں۔ تمام لیگ میچز شارجہ البتایا شارجہ جبکہ سیمی فائنل او ر فائنل اوول کرکٹ گروانڈ عجمان میں کھیلے جائیں گے، ٹورمنٹ ناک آ ئوٹ سسٹم کے تحت کھیلا جا رہا ہے، چنار سپر لیگ سیزن 5 کی انعامی رقم 12 ہزار ہے، ونر ٹیم کے لیے انعامی رقم 8000 ہزار درہم جبکہ رنر اپ کے لیے 4000 درہم کے انعامات ہوں گے، جبکہ مین آف دی میچ اور مین آف دی سیریز کے لئے میڈل اور انعامات بھی شامل ہیں ۔
چنار سپر لیگ سیز 5 کے اغراض و مقاصد یہ ہیں- باصلاحیت کھلاڑیوں کو اپنی صلاحتوں کو منوانے کا موقع فراہم کرنا، یواے ای گورنمنٹ کے وژن کے تحت ہیلتھ اینڈ فٹنس کو پروموٹ کرنا، مختلف کمیوٹنی کے ساتھ مل بیٹھنے کا موقع فراہم کرنا، خصوصی طور پر آر پار کے کشمیریوں درمیان رابطہ کاری، مختلف کمیونٹی کے کلچر سے واقفیت حاصل کرنے کا مواقع فراہم کرنا، مختلف کمیونٹی کے لوگوں کے ساتھ نیٹ ورکنک کا مواقع فراہم کرنا۔
چنار سپر لیگ گزشتہ 4 سال سے چنار سپر لیگ کی انتظامیہ کامیاب سیز کا انعقاد کرچکی ہیں ماضی میں بھی کشمیری اور پاکستانی بزنس کیمونٹی نے بہت تعاون کیا ہے اس بار سیزن 5 کے لئے RMK انڈسٹری، فلائی ہاک گروپ، الاشراک گروپ، سپرفکس ٹریول ٹورازم، میڈ کلینک، فاز گروپ رئیل اسٹیٹ پاکستان، العرب ٹینٹ بطورسپانسر ہیں۔
پریس کانفرنس سے خطاب کرتے ہوئے صدر پاک چنار ونگ راجہ امجد کبیر کا کہنا تھا کہ چنار سپر لیگ سیزن 5 میں 16 ٹیمیں حصہ لیں گی یہ صحت مند ایکٹیویٹی ہے اس کے ساتھ ساتھ لیگ میں مختلف ممالک سے تعلق رکھنے والے پلیئرز مختلف ٹیم میں کھیل رہے ہیں اس ایونٹ میں دوسری کمیونٹی کے ساتھ رابطہ کاری اور کلچر کے بارے میں جاننے کا موقع ملتا ہے اس سیزن میں میجر سپانسر میں RMK انڈسٹریز ,FLY Hawk Real Estate سمیت بڑے نام ہمارے ساتھ شامل ہیں۔
آر ایم کے انڈسٹریز کے چیئرمین راجہ خان محمد خان نے پریس کانفرنس سے خطاب کرتے ہوئے کہا کہ چنار سپر لیگ متحدہ عرب امارات میں ایک بڑا ایونٹ ہے جس کی کامیابی کے لیے پر امید ہوں انہوں نے کہا چنار ونگ جسے ہم نے ایک چھوٹا سا پودا لگایا تھا اب ایک تناور درخت کی صورت اختیار کر چکا ہے چنار سپر لیگ جیسے ایونٹ کا انعقاد ہماری خوش قسمتی ہے اس ایونٹ کی بھر پور کامیابی کے لیے ہر قسم کا تعاون کریں گے۔
فلائی ہاکس رئیل اسٹیٹ کے مینجگ ڈائریکٹر سردار ساجد اقبال عباسی کا کہنا تھا کہ ہم شروع دن سے چنار سپر لیگ کے ساتھ ہیں۔ چنار سپر لیگ کی انتظامیہ چئیرمین چنار سپر لیگ راجہ اسد خالد ، راجہ داود شریف اورپاک چنار ونگ کے صدر راجہ امجد کبیر کی مشترکہ کاوش ہے۔ انہوں نے کہا کہ چنار سپر لیگ کا انعقاد انتہائی پروفیشنل ہو رہا ہے اس ایونٹ میں مختلف ممالک کے پلیئرزکی شمولیت سے ایونٹ کو اور دلچسپ بنا دیا ہے انہوں نے کہا کہ ہم ہمیشہ کی طرح اس ایونٹ کی بھی بھر پور کامیابی کے لیے پرامید ہیں اور اپنے اپنا بھر پور تعاون کریں گے۔
راجہ محمد عاشق خان کا کہنا تھا کہ ہمیں خوشی ہے کہ یو اے ای میں چنار سپر لیگ ایک برینڈ بن چکی اس سہرا چنار سپر لیگ کے چئیرمین اور بانی راجہ اسد خالد اور دادو شریف کے سر جاتا ہے جنہوں نے آ ج سے 5 سال قبل ایونٹ شروع کیا جو آ ج برانڈ کی شکل اختیار کر چکا ہے آ ج چنار ونگ کے زیر اہتمام چنار لیگ کا انقعاد دیکھ کر خوشی ہوئ چنار سپر لیگ یو اے ای میں بڑا نام ہے- ملک یوسف نے پریس کانفرنس سے خطاب کرتے ہوئے کہا کہ چنار سپر لیگ ٹورنامنٹ نہ صرف ایک کرکٹ ایونٹ ہے بلکہ اس سے تارکین وطن کو ایک جگہ جمع ہونے کا موقع بھی ملتا ہے. ہم امید کرتے ہیں کہ انتظامیہ اس ایونٹ کو جی سی سی لیول پر منعقد کروائے گی ہم اس ایونٹ کو ہر سطح پر کامیاب کروانے میں اپنا کردار ادا کریں گے۔
ڈاکٹر حسنین نے چنار سپر لیگ کو ایک زبردست ایونٹ قرار دیتے ہوئے کہا کہ اتنے بڑے ایونٹ کا انعقاد ہماری خوش قسمتی ہے جس میں ہمیں شرکت کا موقع ملا ہم اس ٹورنامنٹ کو کامیاب کرانے میں ہر ممکن تعاون کریں گے۔ راجہ اسد، راجہ امجد کبیر اور چنار سپر لیگ کی انتظامیہ خراج تحسین کی مستحق ہے کہ دیار غیر میں اسطرح کے بہترین ایونٹ کا انعقاد کافی عرصہ سے ایک تسلسل کے ساتھ کروا رہی ہے۔ یہ ٹیم ورک کی بہترین مثال ہے جس میں تمام آرگنائزرز سپا نسرز اور ٹیم پلیئرز مشترکہ کاوش نظر آ رہی ہے۔ ملک یوسف نے پریس کانفرنس سے خطاب میں کہا کہ چنار سپر لیگ ایک صحت مند سرگرمی ہے ہمیں فخر ہے کہ اس ایونٹ میں ہمیں بھی شرکت موقع ملا اس نہ صرف تارکین وطن لطف اندوز ہوں گے بلکہ نیا ٹیلنٹ بھی سامنے آئے گا انہوں کہا کہ وہ آئندہ بھی ایسی سرگرمیوں کو سپورٹ کرتے رہیں گے۔
پریس کانفرنس سے خطاب کے بعد چیئرمین چنار سپر لیگ راجہ اسد نے سپانسر کا شکریہ ادا کیا کہ جن کی بدولت چنار سپر لیگ مسلسل 5 سیزن ہونے جا رہا ہے انھوں نے میڈیا کے تعاون کا شکریہ بھی ادا کیا۔ پریس کانفرنس سے راجہ دادو شریف ، جنرل سیکٹری پاک چنار ونگ عمران علی نے بھی خطاب کیا۔
چنار سپر لیگ سیزن 5 میں 16 ٹیمیں حصہ لے رہی ہیں ان میں پیڈ سپورٹس، PAD بی فور بی سی لائن B4B C line, سرینگر ٹائیگر، دی میجیشن، بزنس آئیڈیا کارپوریشن، کوٹلی لائنز، پونچھ الیون، باغ رائیڈر، جی ایچ کے پراپرٹی، کوٹلی یونا ئٹیڈ، جہالہ دییس، ہاریزن کرکٹ کلب، فلائ ہاکس بانیاں سٹار،ایم ڈیبلیو آئ، کیٹکیر بادشاہ شامل ہیں جبکہ سپانسر میں آر ایم کے انڈسٹریز، فلائی ہاکس رئیل اسٹیٹ، جی ایچ کے پراپرٹی، العرب ٹینٹ ائنڈ شیڈ،میڈ فیملی کلنیک، فاز انٹر پرائز پاکستان ، فکس اینڈ ٹریول ٹوراز م، العشراک گروپ, العرب ٹینٹ ائنڈ شیڈ،میڈ فیملی کلنیک، فاز انٹر پرائز پاکستان,اے جے کے لینڈ سکیپ، العبرا کلینک ، المراعی ،سمیت دیگر شامل ہیں