رہنما پی ٹی آئی زلفی بخاری کا اپنی رہائش گاہ پر برطانوی رکن پارلیمنٹ نازشاہ کے اعزاز میں عشائیہ

اسلام آباد(تارکین وطن نیوز) پاکستان تحریک انصاف کے رہنما زلفی بخاری نے اپنی رہائش گاہ پر برطانوی رکن پارلیمنٹ نازشاہ کے اعزاز میں عشائیہ کا اہتمام کیا۔

تفصیلات کے مطابق زلفی بخاری کی جانب سے برطانوی رکن پارلیمنٹ نازشاہ کے اعزاز میں عشائیے میں شرکا نے پاکستان کے حق میں آواز اٹھانے پر ناز شاہ سے اظہار تشکر کیا۔

عشائیے میں اعلیٰ حکومتی، سیاسی سماجی اور میڈیا سے وابستہ شخصیات کی شرکت ہوئے جبکہ صدر عارف علوی، اسپیکر قومی اسمبلی اسد قیصر ، ڈپٹی اسپیکر قاسم سوری، وفاقی وزرااسد عمر، فواد چوہدری،حماداظہر،علی زیدی،شبلی فراز،اعظم سواتی بھی شریک ہوئے۔

فیصل واوڈا، شہباز گل، مشیر قومی سلامتی معید یوسف ، معاون خصوصی فیصل سلطان، فہمیدہ مرزا، ثانیہ نشتر ،سیف اللہ نیازی نے بھی عشایئے میں شرکت کی۔

برطانوی ہائی کمشنر کرسچن ٹرنر،گورنر اسٹیٹ بینک رضاباقر ،عامرخان بھی موجودتھے ، پر تکلف عشائیہ کے دوران شرکاکی پاکستان اور خطے کی صورتحال پر بات چیت کی گئی۔

شرکا نے پاکستان کے حق میں آواز اٹھانے پربرطانوی رکن پارلیمنٹ ناز شاہ سے اظہار تشکر کیا۔