پاکستان ایسوسی ایشن دبئی کے سابق صدر چودھری محمد ریاض فاروق ساہی کے بھائی چودھری محمد نواز ساہی انتقال کر گئے

مرحوم کی عمر 79 برس تھی اوروہ عارضہ قلب میں مبتلا تھے،انتقال پنجاب انسٹی ٹیوٹ آف کارڈیولوجی (PIC) لاہور میں ہوا

نماز جنازہ سراج الحق، امیر جماعت اسلامی پاکستان نے پڑھائی،نماز جنازہ میں سیکڑوں لوگوں اور جماعت اسلامی کے رہنماؤں کی شرکت

دبئی و دیگر امارات سے چودھری محمد ریاض فاروق ساہی کے دوست و احباب کی تعزیت

دبئی (طاہر منیر طاہر) پاکستان ایسوسی ایشن دبئی کے سابق صدر چودھری محمد ریاض فاروق ساہی کے بڑے بھائی چودھری محمد نواز ساہی حرکت قلب بند ہونے سے انتقال کر گئے۔

مرحوم کی عمر 79 برس تھی اور وہ ممتاز ماہر تعلیم تھے، چودھری محمد نواز ساہی گزشتہ دو تین ماہ سے بیمار تھے، جبکہ ان کا انتقال پنجاب انسٹی ٹیوٹ آف کارڈیولوجی (PIC) لاہور میں ہارٹ اٹیک سے ہوا۔

انتقال کے بعد مرحوم کی میت ان کے آبائی علاقہ "ڈھوک کاسب” میں لے جائی گئی جہاں امیر جماعت اسلامی پاکستان سراج الحق نے چودھری محمد نواز ساہی کی نماز جنازہ پڑھائی۔

نماز جنازہ میں امیر العظیم جنرل سیکرٹری جماعت اسلامی، سیاسی رہنماؤں، اہلیان علاقہ اور ہر طبقہ فکر کے لوگوں نے شرکت کی۔

اس موقع پرجماعت اسلامی کے رہنماؤں، ورکروں، علاقہ کے لوگوں، عزیز و اقارب اور متحدہ عرب امارات سے چودھری محمد ریاض فاروق ساہی کے دوست و احباب نے مرحوم کے لئے دعائے مغفرت کرتے ہوئے لواحقین سے اظہار ہمدردی اور تعزیت کی ہے۔