جدہ (دلدار حسن چوہدری) گزشتہ دنوں یاج گلف کے منیجنگ ڈائریکٹر زین گجر نے جدہ میں انجینئر افتخار چوہدری سے ملاقات کی، وہ بحرین سے عمرہ کی ادائیگی کے لیے مکہ مکرمہ آئے ہوئے تھے اور خصوصی طور پر انجینئر افتخار چوری کی دعوت پر پوری فیملیز کے ساتھ ان کے ہاں پہنچے ۔
یاد رہے کہ چوہدری زین پاکستان کے نامور مین پاور ایکسپورٹرز میں شمار کیے جاتے ہیں، ان کی کمپنی کے دفاتربار ہ کہو میں واقع ہے اور پاکستان سے بے شمار لوگوں کو انہوں نے مشرق وسطی اور دنیا بھر میں بڑے اچھے کنٹریکٹ پر بھیجا ہے۔
انجینئر افتخار چوہدری نے انہیں ویلکم کرتے ہوئے کہا کہ آپ کا آنا میرے لیے باعث مسرت و افتخار ہے، لیکن آپ نے جو مین پاور ایکسپورٹر کی حیثیت سے پاکستانی قوم کی جو خدمت کی ہے اس پر ہم آپ کے شکر گزار ہیں اور خاص طور پر آپ نے جدہ آکر مجھے شرف ملاقات بخشا ۔
زین گجر نے انجینئر افتخار چوہدری کی پاکستان کے لیے خدمات کو سرا ہا اور کہا کہ آپ ہمارے گجر قائد ہیں،آپ بڑے ہیں آپ سے بغیر ملے جانا اچھا نہیں لگا، اس موقع پر ان کی پرتکلف چائے سے تواضع کی گئی ،بعد ازاںزین چوہدری جدہ سے مدینہ منورہ روانہ ہو گئے۔