سویڈن کے شہر مالمو میں نفرت انگیزی اور نسل پرستی عروج پر، عید الفطر کے روز مسلمانوں کے قبرستان میں توڑ پھوڑ

مالمو(زبیر حسین)سویڈن کے شہر مالمو میں نفرت انگیزی اور نسل پرستی عروج پر عید الفطر کے روز مسلمانوں کے قبرستان پر نسل پرستوں کا حملہ متعدد قبروں کو نقصان پہنچایا گیا۔

آج صبح جب مسلم کمیونٹی نے اپنے عزیز و اقارب کی قبروں کا زیارت کرنے کے لئے مالمو میں قائم اوسترا شرکوگورڈن کا رخ کیا تو وہاں کے مناظر نے انہیں تعجب میں ڈال دیا کہ زندہ تو زندہ اب فوت ہونے والے مسلمان بھی نسل پرستوں کے شر سے محفوظ نہیں رہے۔

قریباً دس کے قریب قبروں کو مکمل مسمار کردیا گیا، مسلم کمیونٹی کے سربراہان نے گہرے دکھ کا اظہار کرتے ہوئے حکومت سے تحفظ کی فراہمی کا مطالبہ کرتےہوئےکہا کہ حکومت کو اس طرح کے معاملات کی روک تھام کے لئے ہر ممکن اقدامات کرنے کی اشد ضرورت ہے تاکہ سویڈن میں اقلیتوں کے حقوق کو پامال ہونے سے روکا جاسکے۔