سیالکوٹ انٹرنیشنل ائرپورٹ لمیٹڈ کے مشیر تعلقات عامہ عبدالشکور مرزا SIAL سے ریٹائر ہو گئے
انہوں نے سیالکوٹ انٹرنیشنل ائرپورٹ لمیٹڈ (SIAL) پر بطور مشیر تعلقات عامہ کام کیا
وہ اب کمیونٹی ڈویلپمنٹ کنسرن (CDC) میں ایگزیکٹو ڈائریکٹر کی ذمہ داریاں سرانجام دیں گے
دبئی (طاہر منیر طاہر) سیالکوٹ انٹرنیشنل ائرپورٹ لمیٹڈ کے مشیر تعلقات عامہ عبدالشکور مرزا اپنی ملازمت کا معاہدہ ختم ہونے کے بعد اپنی ذمہ داریوں سے سبکدوش ہو گئے ہیں، انہوں نے سیالکوٹ میں منیجر میڈیا منیجر تعلقات عامہ کے فرائض سرانجام دیئے اور سیال کی مثبت تصویر پیش کرنے علاوہ متعدد منصوبوں کو پایہ تکمیل تک پہنچانے میں اپنا کردار ادا کیا۔
جبکہ گذشتہ سال 65 سال کی عمر کو پہنچنے کی وجہ سے انہیں ریٹائر کرکے ایک سال کے لئے بطور مشیر تعلقات عامہ بنا دیا گیا تھا، عبدالشکور مرزا اب دوبارہ سوشل ڈویلپمنٹ سیکٹر میں خدمات سرانجام دیں گے اور کمیونٹی ڈویلپمنٹ کنسرن (CDC) میں ایگزیکٹو ڈائریکٹر کی ذمہ داریاں سرانجام دینا شروع کریں گے۔
جبکہ مدینہ ٹرسٹ کے چیئر مین انجینئر محمد یو نس مرزا کے ساتھ مل کر ڈھلے والی ہیڈ مرالہ میں خیراتی ہسپتال کے قیام کے منصوبے پر کام کریں گے اور رضا کارانہ طور پر خدمت خلق کا سفر جاررکھیں گے،عبدالشکور مرزا نے پانچ سال سیالکوٹ انٹرنیشنل ائرپورٹ لمیٹڈ (SIAL) میں خدمات سرانجام دی ہیں۔