پاکستان پیپلز پارٹی کینیڈا کا سینیٹر(ر)اکبر خواجہ اور پی پی پی پنجاب کے رہنما آصف بشیر بھاگٹ کے اعزازمیں عشائیہ

اونٹاریو(نمائندہ خصوصی)پاکستان پیپلز پارٹی کینیڈا کے زیر اہتمام سینیٹر (ر) اکبر خواجہ اور رہنما پیپلز پارٹی پنجاب آصف بشیر بھا گٹ کے اعزاز میں ایک پروقار تقریب اور عشائیہ کا اہتمام کیا گیا۔

پیپلز پارٹی کینیڈا کے جنرل سیکرٹری راؤ طاہر نے معزز مہمانان کو کینیڈا میں پارٹی کی سرگرمیوں کے بارے میں بریفنگ دی اور صدر پیپلز پارٹی کینیڈا چوہدری جاوید گجر نے مہمانان گرامی کا استقبال کیا ۔

دونوں مہمان گرامی نے پنجاب اور مرکز کی سیاسی صورت حال پر پارٹی کارکنوں کو بریفنگ دی ،تقریب میں بلاول بھٹو زرداری کی دادی کی وفات پر فاتحہ خوانی بھی کی گئی۔

عشائیہ میں پیپلز پارٹی کینیڈا کے نائب صدر خالد گل، ایڈیشنل جنرل سیکرٹری راجہ شفیق، انفارمیشن سیکرٹری عرفان ملک، پی پی پی ٹورنٹو کے جنرل سیکرٹری مصدق ملک، نائب صدر سجاد چوہدری، مسلم لیگ ن کے راہنما پیر عدنان بودلا اور مسلم لیگ ن کینیڈا کے جنرل سیکرٹری کامران ملک نے بھی شرکت کی۔

آخر میں عشائیہ کے میزبان خواجہ انجم نے مہمانوں کا شُکریہ ادا کیا۔